កណ្ដៀងត្បូងឆាំង - លោក អ៊ឹង ណារី | Kandeang Tbong Chhaing - Ung Nary

Описание: ប្រវត្តិចម្រៀង
-------
បទ "កណ្ដៀងត្បូងឆាំង" គឺជាស្នាដៃនិពន្ធទំនុកច្រៀង បទភ្លេង និងសម្រួលតន្ត្រីដោយ លោក អ៊ុយ ហ៊ែល និង មាន លោក អ៊ឹង ណារី ជាម្ចាស់សំនៀង ដែលមិនមែនជាសំនៀងរបស់ លោក ស៊ីន ស៊ីសាមុត នោះទេ។ បទនេះបានថតដាក់នៅក្នុងស៊េរីកាសែត អនុស្សាវរីយ៍ប៉ៃលិនទី១ នៅឆ្នាំ ១៩៧៤ ។ បទនេះក៏ជាបទចម្រៀងអនុស្សាវរីយ៍របស់ លោក អ៊ុយ ហ៊ែល ដូចមានរៀបរាប់នៅក្នុងប្រវត្តិនៃបទ "ប៉ៃលិនខ្ញុំអើយ" ផងដែរ។ លោកបាននិពន្ធបទនេះក្រោយពេលដែលលោកបានវិលត្រលប់ពី ប៉ៃលិន មក ភ្នំពេញ វិញនៅក្នុងឆ្នាំ ១៩៧៣ បន្ទាប់ពីលោកបានចំណាយពេលនៅប៉ៃលិនក្នុងនាមជាកងរាជអាវុធហត្ថតាំងឆ្នាំ ១៩៧០។ សូមបញ្ជាក់ថា ពាក្យថា "ឆាំង" មានន័យថា ស្នាមបន្ដិចបន្តួច ហើយ ពាក្យថា "ត្បូងឆាំង" មានន័យថា គឺជាត្បូងដែលមានស្នាមបន្ដិចបន្ដួចដែលអាចកុហកភ្នែកកុងសែបាន។ ពាក្យថា "កុងសែ" មានន័យថា គឺជាអ្នកដើរទិញត្បូង ឬ ថៅកែត្បូង។ ហេតុនេះ បទ "កណ្ដៀងត្បូងឆាំង" លោក អ៊ុយ ហ៊ែល ចង់សំដៅទៅដល់នារីម្នាក់ដែលស្មានថាជានារីល្អ ប៉ុន្តែបែរជាផិតក្បត់ទៅវិញ។ នៅក្នុងទំនុកទី៤នៃបទនេះ លោក ហ៊ុយ ហ៊ែល បានប្រើពាក្យថា "ដែកយល់កណ្ដៀង" លោកបានប្រើពាក្យនេះដោយសារតែ "ដែក" គឺជាអ្នកច្នៃត្បូង ហើយពេលពេលប្រើដែកមកច្នៃត្បូង ទើបដឹងថាត្បូងនោះមានស្នាម។ បន្ថែមពីលើនេះបទនេះ ត្រូវបានប្រគំថតដោយ វង់ភ្លេងយោធាភារម្យ និងចេញផ្សាយលក់ដោយ ក្រុមហ៊ុន សាគូរ៉ា សញ្ញាផ្កាសាគូរ៉ា។
-------
ស្រាវជ្រាវដោយ ៖ លោក សេង តារា
   • កណ្តៀងត្បូងឆាំង (អ៊ឹង ណារី) Kandeang Tbong...