Психиатриялык ооруканада кылмыштуу топ түзгөн

Описание: Психиатриялык ооруканада криминалдык топ түзүп, бейтаптардан акча чогултуп жүргөн адам кармалды.

40 жаштагы шектүү 2018-жылы укук коргоо органынын кызматкерин бычактап өлтүргөн.

Абактан качуу үчүн тааныштары аркылуу психиатрияялык экспертизанын жасалма корутундусун алып, анын негизинде сот акыл-эси жайында эмес деп тапкан. Ал мажбурлап дарылоого жөнөтүлгөн.

Шектүү ооруканада криминалдык идеологияны тутунган адамдарды тартып, өзүн “положенец” жарыялаган.

Бейтаптардан жана соттолгондордон чогулткан акчага ал үйлөрдү, жер тилкелерин жана 100дөн ашык ири мүйүздүү бодо мал алган.

Ал жана анын шериги уюшкан кылмыштуу топ түзгөн деген шек менен кармалып, камакка алынды.