ပေါင်းတည်မြို့နယ်၌ စစ်ကောင်စီတပ်ဖွဲ့ဝင်ကို ပြည်သူ့ကာကွယ်ရေးတပ်ဖွဲ့များက အရှင်ဖမ်းမိ

Описание: ပေါင်းတည်မြို့နယ်၌ စစ်ကောင်စီတပ်ဖွဲ့ဝင်ကို ပြည်သူ့ကာကွယ်ရေးတပ်ဖွဲ့များက အရှင်ဖမ်းမိ

MTO

မဇ္ဈိမ။ ။ ပဲခူးတိုင်း၊ ပေါင်းတည်မြို့နယ် ၊ ကြာနီကန်ကျေးရွာအုပ်စုတွင် နယ်ကျွံလာသည့် စစ်ကောင်စီတပ်ဖွဲ့ဝင်တစ်ဦးကို PDF တပ်ရင်း (၃၆၀၁) တပ်ခွဲ (၂) တိုက်ဂါးစစ်ကြောင်းက လက်နက်နှင့်အတူ အရှင်ဖမ်းဆီး ရမိခဲ့ကြောင်း ပဲခူးတိုင်း PDF သတင်းနှင့် ပြန်ကြားရေးတာဝန်ခံက ပြောသည်။

၎င်းက “ စကစ(စစ်ကောင်စီ) ဘက်ကနေ ကျွံလာတာ။ ကျွံလာလို့ PDF တွေ ဘက်က ဖမ်းလိုက် တာပါ “ ဟုပြောသည်။

ဖမ်းဆီးရမိသည့် စစ်ကောင်စီတပ်ဖွဲ့ဝင်အား လုံခြုံသည့်နေရာတွင် ခေါ်ဆောင်ဖမ်းဆီးထားပြီး အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာန၏ စစ်သုံ့ပန်းဥပဒေ နှင့်အညီ ဆက်လက်ဆောင်ရွက်သွားမည်ဖြစ်ကြောင်း ဆိုသည်။

“တောင်ပိုင်းတိုင်းရဲ့ လက်အောက်မှာ ပဲခူးတိုင်း စစ်ဒေသခွဲ ဖြစ်တဲ့အတွက် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနက ချမှတ်ထားတဲ့ လမ်းညွှန်ချက်တွေ မူဝါဒတွေအတိုင်းပဲ။ စည်းမျဥ်း စည်းကမ်းတွေ အတိုင်းပဲ ဆက်လက် ဆောင်ရွက်သွားဖို့ ရှိပါတယ် “ ဟု ပဲခူးတိုင်း PDF သတင်းနှင့် ပြန်ကြားရေးတာဝန်ခံ က ပြောသည်။

ဖမ်းဆီးရမိသည့် စစ်ကောင်စီတပ်ဖွဲ့ဝင်တစ်ဦး နှင့်အတူ MA 2 တစ်လက် ၊ ကျည်ဘောက် လေးခု နှင့် 5.56 ကျည် အတောင့် ၂၀၀ တို့ ကို သိမ်းဆည်းရမိကြောင်းကိုလည်း Bago Region PDF က ထုတ်ပြန်ထားသည်။

ပဲခူးတိုင်းအတွင်း ပြည်သူ့ကာကွယ်ရေးတပ်ဖွဲ့များနှင့် စစ်ကောင်စီတပ်များအကြား တိုက်ပွဲဖြစ်ခါနီး အခြေအနေမျိုးဖြစ်ပြီး PDF များဘက်က စိုးမိုးနယ်မြေများ ရယူထားနိုင်ကြောင်းနှင့် စစ်ကောင်စီဘက်ကလည်း နောက်ချန် အင်အားဖြင့်သာ ရှိနေသည့် အခြေအနေမျိုး ဖြစ်ကြောင်း သိရသည်။

စာတည်း။ ။ဖူးသိမ်ကျ
စာမူတည်းဖြတ်။ ။ အောင်ကျာ်ဖြိုး

#ပဲခူးတိုင်း
#ပေါင်းတည်မြို့နယ်
#စစ်ကောင်စီတပ်
#ဖမ်းဆီးရမိ

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
Join this channel to get access to perks:
   / @mizzimanewstv  
Follow us:
Facebook ( Myanmar Language) https://bit.ly/3BuWBSJ
Facebook (English language) https://bit.ly/3d5g1V2
Facebook (Mizzima+TV) https://bit.ly/3eGNjdl
Twitter https://bit.ly/3Dbvqh1
Telegram https://bit.ly/3RRn2rk
Tiktok https://bit.ly/3xngMzE
Get Mizzima TV App Free : https://onelink.to/jnuwak/
Website:
https://www.mizzima.com/ https://www.mizzimaburmese.com/ https://www.mizzima.tv/
.........................................
About Us :
Mizzima TV is an Online TV content provider that is run by Burmese journalists who are based in neighboring countries of Burma (Myanmar).We strive to produce world-class contents for Burmese as well as those who care about Burma affairs.