ឯកឧត្តម ឃឹម ហ្វីណង់ អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ៖ "សូមអបអរសាទរដល់បងប្អូន

Описание: ឯកឧត្តម ឃឹម ហ្វីណង់ អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ៖ "សូមអបអរសាទរដល់បងប្អូនកសិករ នៃសហគមន៍កសិកម្មទំនើបស្វាយចន្ទីទំរីងកំពង់ធំ សម្រាប់ «ការដឹកជញ្ជូនជើងទីមួយ» នៃគ្រាប់ស្វាយចន្ទីចំនួន ៦តោន មកកាន់ក្រុមហ៊ុន Santana Agro Products ប្រកបដោយជោគជ័យ!

នេះគឺជាផ្នែកមួយនៃកិច្ចសន្យាផ្គត់ផ្គង់គ្រាប់ស្វាយចន្ទីសើមចំនួន ៣០០តោន ដែលសហគមន៍របស់យើងទើបបានចុះកិច្ចព្រមព្រៀងជាមួយក្រុមហ៊ុនកាលពីពេលថ្មីៗនេះ។

គ្រាប់ស្វាយចន្ទីមកពីទំរីងគឺជាតំបន់ដែលមានភាពល្បីល្បាញខាងផ្នែកគុណភាព ហើយក្រុមហ៊ុនហ៊ានផ្តល់តម្លៃបន្ថែម ១០០៛/គីឡូក្រាម លើតម្លៃ ៥៧០០៛/គីឡូក្រាម ជូនដល់សហគមន៍សម្រាប់លក្ខណៈពិសេសនេះ ដែលមានកម្រិតជាតិសាច់រហូតដល់ទៅ២៨,៥% ជាមួយនឹងការទូទាត់សាច់ប្រាក់ភ្លាមៗ។

បន្ទាប់ពីការប្រគល់-ទទួលគ្រាប់ស្វាយចន្ទីសាកល្បងលើកនេះរួចហើយ សហគមន៍នឹងធ្វើការដឹកជញ្ជូនជាបន្តបន្ទាប់ទៀតរហូតដល់គ្រប់បរិមាណដែលបានចុះកិច្ចសន្យា។
សូមបញ្ជាក់ថា ៥៨០០រៀល គឺជាតម្លៃខ្ពស់ជាងតម្លៃទីផ្សារជាក់ស្តែងក្នុងថ្ងៃទី១ ខែមេសា ឆ្នាំ២០២៥ រហូតដល់ទៅ ៤០០រៀល ដោយសារតែក្រុមហ៊ុន Santana បានគោរពកិច្ចសន្យារបស់ខ្លួន ទោះបីជាមានការធ្លាក់ចុះតម្លៃគ្រាប់ស្វាយចន្ទីភ្លាមៗ ពី ៥៧០០៛ មក ៥៤០០៛ ក៏ដោយ។
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube