საქართველოდან ექსპორტი ევროკავშირისა და დსთ-ს ქვეყნებთან მცირდება

Описание: საქართველოდან ექსპორტი როგორც ევროკავშირის, ასევე დსთ-ს ქვეყნებთან კლების ტრენდს ინარჩუნებს.

ევროკავშირის ქვეყნებთან ექსპორტი 16 პროცენტით, დსთ-სთან კი 19 პროცენტით შემცირდა. რაც შეეხება იმპორტს, ევროკავშირიდან იმპორტი 10 თვეში 17 პროცენტით არის გაზრდილი. დსთ-ს ქვეყნებიდან კი იმპორტის მაჩვენებელიც შემცირებულია.

საერთო ჯამში, საგარეო სავაჭრო ბრუნვა ევროკავშირთან 10 %- ით არის გაზრდილი, ხოლო დსთ-ს ქვეყნებთან შემცირებულია 6 პროცენტით.

აღსანიშნავია, რომ C ჰეპატიტის სამკურნალო მედიკამენტების გამოკლებით, ქვეყანაში იმპორტი 2 პროცენტით შემცირდა, ამ მედიკამენტების გარდა, საქართველოში შემოსული პროდუქტებიდან, ყველაზე მეტია ნავთობი, მსუბუქი ავტომობილი, ნავთობის აირები და ნახშირწყალბადები.