Өзенмұнайгаз АҚ "Жайдарман" ӨЭМБ командасы (УЭН)

Описание: Көктемнің алғашқы күнін позитивпен қарсы алу, мұнайшы жастар арасындағы бірлік пен ынтымақты нығайтуды көздеген «Көктем шуағы» атты жайдарман ойыны өтті.

Сахнаға шығып, өнер көрсеткен 8 команда қала мен далада (өндірісте) орын алған түйткілді мәселелерді зіл-әзілмен жұқалап жеткізу арқылы өздерінің сөзімен айтқанда «залды жарды».

– Жастар мен мұнайшыларды ұйыстырып, залға толтыра сыйыстырып, әдемі әзілмен жастарды жасампаздыққа бастауға үлкен мүмкіндік берген «Өзенмұнайгаз» АҚ мың да бір алғыс. – дейді сайысқа қатысушылар.

«Қазмұнайгаз» ҰК АҚ Ақтау қаласындағы өкілдігі Әлеуметтік және ақпараттық саясат және сүйемелдеу департаменті директоры Аманғали Нұрдаулетов, бас директордың жұртшылықпен және мердігер ұйымдармен байланыс жөніндегі орынбасары Бауыржан Мәмбетсапаев, Әлеуметтік саясат жөніндегі басқарушы директор Бауыржан Жұбаназаров, ӘСжӘҚД директоры Мұхамбетберді Суитов, хирург дәрігер Мақсат Оңайбаевтардың шешімі бойынша, бас жүлде №3 МГӨБ, 1-орын ӨЭМБ, 2-орын ӨТҚжЖЖБ, 3-орын KMG-Security мен FTC WIN командаларына бұйырды.

«KMG-Security» команда ойыншысы Нұрболат Оразханов «Үздік ойыншы», АжТБ командасы «Көрермен көзайымы» номинациясын жеңіп алды.

Жеңімпаздар кубок, Диплом және қаржылай сыйлықпен марапатталды.