Ajay Kumar with high tech system in goat farming | Kottayam | Kerala

Описание: ആട് വളർത്തലിൽ ഹൈടെക് സംവിധാനമൊരുക്കി മൃഗപരിപാലനത്തിൽ പുതിയ പാത അജയകുമാർ സൃഷ്ടിക്കുകയാണ് പള്ളിക്കത്തോട് ആനിക്കാട് മറ്റത്തിൽ കരോട്ട് എം.ആർ. അജയകുമാർ.
ഇലക്ട്രിക് പ്ലംബിഗ് ജോലികൾ ചെയ്യുന്ന അയകുമാർ അലർജിയുണ്ടായ നാല് വയസുകാരൻ മകന് ആട്ടിൻ പാൽ നൽകുന്നതിനാണ് ഒരാടിനെ വളർത്തി തുടങ്ങിയത്.
ലോക്ക് ഡൗണിൽ ജോലിയും വരുമാനവുമില്ലാതാവുകയും, കൂടുതൽ സമയം വീട്ടിൽ തന്നെ ചില വഴിക്കുകയും വേണ്ടി വന്നിടത്താണ് ഹൈടെക് ഫാമിൻ്റെ രൂപകൽപ്പന ഉടലെടുത്തത്. ഭാവിയിൽ അജയൻ്റെ കുടുംബത്തിനു കൂടി ആയാസരഹിതമായി പരിപാലിച്ച് കണ്ടെത്തുവാനുള്ള ഒരു വരുമാന മാർഗ്ഗമെന്ന നിലയിലാണ് ആട് കൃഷി ഹൈടെക് രീതിയിൽ വിപുലമാക്കുന്നതെന്ന് അജയൻ പറയുന്നു.
കഴിഞ്ഞ 20 വർഷത്തെ നിർമ്മാണ പ്രവർത്തനമേഖലയിലെ തൊഴിൽ പരിചയവും, പഞ്ചായത്തിലെ ജനങ്ങൾക്കായി അജയൻ്റെ മൊബൈലിൽ നിന്ന് അവശ്യനുസരണം നിയന്ത്രിക്കാവുന്ന ചെലവു കുറഞ്ഞ ശുദ്ധജല പ്ലാൻ്റ് നിർമ്മിച്ച ആത്മവിശ്വാസവുമാണ് ഈ സംരഭത്തിൻ്റെ ഊർജ്ജം.
രണ്ടര ലക്ഷം രൂപയാണ് ഈ ഫാമിൻ്റെ ചിലവ്
പർപ്പരാസി, മലബാറി ക്രോസ്, ബീറ്റൽ, സിരോഹി തുടങ്ങിയ വിവിധ തരം ബ്രീഡുകളിലെ 11 ആടുകളാണ് നിലവിൽ അജയകുമാറിൻ്റെ ഫാമിലുള്ളത്. അടുകളുടെ സ്വൈര്യ വിഹാരത്തിനൊപ്പം ആയാസവും,ആരോഗ്യകരമായ പരിപാലനവുമാണ് ഫാമിൻ്റെ പ്രധാന ആകർഷണം.
തറനിരപ്പിൽ നിന്ന് 10 അടിയിലധികം ഉയരത്തിലുള്ള കൂട്ടിൽ ആട്ടിൻ കാഷ്ഠവും മൂത്രപ്പും കെട്ടിക്കിടക്കാതെ താഴെ വീഴുന്നതിനായി പ്രത്യേക സംവിധാനം ഒരിക്കിയിരിക്കുന്നതാണ് മറ്റൊരു പ്രത്യേകത.ഒപ്പം തീറ്റ നൽകുവാനും, വെള്ളം പാഴാവാതെ ആടുകൾക്ക് ആവശ്യനുസരണം ലഭ്യമാക്കുന്ന വിധത്തിലുള്ള സംവിധാനവുമൊരുക്കിയിരിക്കുന്നു.
പില്ലറുകൾക്കു മുകളിൽ ഇരുമ്പു കേഡറിൽ ഉറപ്പിച്ചിരിക്കന്ന 200 സ്ക്വയർ ഫീറ്റ് ഫാമിൽ 20 ആടുകളെ വളർത്തുവാൻ സാധിക്കുമെന്ന് അജയകുമാർ പറയുന്നു.
ഡിസംബറോടെ അടുകളുടെ പ്രജനനകാല മാകുമെന്നും അതിനു ശേഷം പാൽ വിൽപ്പനയിലൂടെ വരുമാനം ലഭ്യമായിത്തുടങ്ങുമെന്ന വിശ്വാസത്തിലാണ് അജയകുമാറും കുടുംബവും
അച്ചനും, അമ്മയും മകൻ ഓംകാറും, ഭാര്യ ഷീബയും അടങ്ങുന്നതാണ് അജയകുമാറിൻ്റെ കുടുംബം.