لوحات || الشاعر محسن الخياط || اجمل ابيات ممكن تسمعها بأربع لوحات شعرية ♥️🔥

Описание: • كلمات القصيدة :

شكثر نامت الفرگه عليك
كافي النوم ماتنهض
تحنت هالچفوف السود
مالگحت الحنه اعليك وانته ابيض
تعطش وانت غيم آذار
مو حته الشماته ابآبي يرعد غيمها اتلمض
أفه ياخرزة سليمان
شفته الطين حته الطين يتفضفض
حزنت عليك حزن التينه بجويريد
ليه ولاجفن يغمض
يمته يورع المشدوه
يمته البتراب يگوم يتنفض
يصير استعجل المرتاح
والمالوم يتريض
يصنگر والوراك هواي ..ملو حيل
حمل الصنگرت يبهض
زبد ردناك ياطبع الزبد معروف
يلتم لو سگاه الخض
يلتم لو سگاه الخض

اعلگ نذر للعناي ...واوكف للذي ايوّچي
انا ذاك التلولح بالجو وبالليل
اسامر ونتي بضحچي
انا طعم الشروگي البي حلات الكوت
وملوحة عمايرچي
وموت من الضحك بالجوع
ومن اشبع اگوم ابچي
وتلاحگت الحجي من طاح
جبته عليه متوچي
الحچي من اغتاض مني يخاف
يتشرد ولزّم بي
ماشايف حزن هچي
وادگ اعله الجرح بالليل
بس... شكبرك عله الروح ...ماتحچي
ولك دحچي
شفت بغداد جاسمهه الحزن نصين
نص يضحك ونص يبچي
وشفت كركوك چن زيبگ
عله چفة بلم وبليل والشامت معبرچي
الوكت فراك بالمگلوب طوّل سبّگ الغربان
وگرطف سبّگ المسچي
ولك دحچي

اتصوريني طيب من شراي اﻻول
ما افيد اليشتريني ..
اتصوريني
هنه والحادي الحدى بحلواتهن ضاعن سنيني ..
اتصوريني
تايه بزيزايه وحدي والعشك طيره غريبه
منين ماهدها تجيني ..
اتصوريني
بصومعه ودرويش بيها ايجوي روحه
والجفون معاشريني ..
اتصوريني هنه ظلن كطرتين
وبعد ما اوجد دمعتي وياهي عيني ..
اتصوريني
اوشال زيبك حطني وكتي بظهر مهره
اترهرز بماعون صيني ..
اتصوريني
بليل والمصعاد جالي مجلب بكشايه وادري هواي وادم حاسديني ..
اتصوريني
نخلة بالبصره تلكح نخلة بديالى
بعيده السالفه البينج وبيني ....

جرحين جاب الوكت سلطهن اعليِّه
واحد يضيّع هلي وواحد يفر بيِّه
واليِفر بيه تعب، واحتار تاليه
مگلوب وفرني ومشه، مدري شئله نيه
ضليت اجر بالعمر، ويجرني باجيه
وتانيت جيته الصبح، لن جيته مو لَيّه
وجيت انشد اهل الوفا والبيها حنيه
شلون زهدي العثگ والنخلة برحيه

#شعر_شعبي_عراقي #شعراء #شعر_عراقي #شعر_شعبي #شعر_حزين #تصميمي #تصميم_شعر #تصميم_فيديوهات #قصائد_مكتوبة #قصائد #كلام #كلام_رائع #مصمم #مخطوطة #اكسبلور #يوتيوب #اشتراك_تفعيل_الجرس_لايك_كومنت_مشاركه #اشتراك #لون #مسن #شايب