KALSİUMU BOL OLAN TƏBİİ QİDALAR

Описание: KALSİUMU BOL OLAN TƏBİİ QİDALAR

Təbii kalsium mənbəyi olan qidalar

Kalsium anbarı olan 7 dadlı qida

Kalsium sümük və diş sağlamlığı üçün əvəzolunmaz mineraldır. Həmçinin, maddələr mübadiləsinin yaxşı işləməsi, sinir və əzələ hüceyrələrinin güclənməsi üçün də əhəmiyyətlidir. Kalsium çatışmazlığı insan orqanizminə böyük zərər verə bilər. Bir çox insan bunun fərqində olduğu üçün gündəlik qida menyusuna kalsium anbarı olan süd və pendiri əlavə edir. Ancaq kalsiumla zəngin qidalar ancaq süd, qatıq və ya pendir deyil.

Sağlamlığının qayğısına qalan insanlar üçün kalsium mənbəyi olan 7 qidanı təqdim edirik:

1) Tünd yaşıl yarpaqlı tərəvəzlər
Tünd yaşıl yarpaqlı tərəvəzlər kalsiumla zənginidir. Bunlardan kələm və ispanaq kalsiumu yüksək olan tərəvəzlərdir. Gül kələmi və brokolidə kalsiumun miqdarı nisbətən daha çoxdur.

2) Cəfəri və Şüyüd də kalsium baxımından olduqca zəngindir. 1 dəstə şüyüd və ya cəfəridə təxminən 500 mg kalsium vardır.

3) Lobya
Lobya yalnız zülal, dəmir və lif baxımından zəngin deyil eyni zamanda kalsium baxımından da çox gözəl bir mənbədir.. Əsasən qaynadılmış ağ lobya kalsium baxımından da çox zəngindir.

4) Doşab
Doşab (bəhməz) kalsium mənbələrindən biridir. Xüsusilə də keçibuynuzundan hazırlanan doşab olduqca faydalı bir qidadır. 1 xörək qaşığı doşab gündəlik kalsium ehtiyacınızın 10 faizini qarşılayır.

5) Portağal
Portağal C vitamini mənbəyi kimi tanınır. Ancaq bu dadlı meyvə kalsium baxımından da zəngindir. 1 kasa dilimlənmiş portağal gündəlik kalsium ehtiyacını tam ödəyir.

6) Əncir qurusu ləzzətli və sağlam çərəzdir. Bu meyvə əsl kalsium anbarıdır. Bir kasa əncir qurusu gündəlik kalsium ehtiyacınızın bir hissəsini qarşılamağa qadirdir.

7) Badam
Badam ən çox sevilən çərəzlərdən biridir. Sağlamlıq mənbəyi olan yağlar, zülal, protein və kalsium ehtiva edən badamın bir ovucu gündəlik kalsium ehtiyacınızın 7 faizini ödəyə bilər.


Ümumiyyətlə kalsiumun həzm olunması üçün, D3 vitamini lazımdır. D3 vitamini günəş şüalarının təsiri nəticəsində əmələ gəlir, çox az miqdarda qidalarda rast gəlinir. Yalnız balıq, qaraciyər və yumurta sarısında olur.
Bədənin kalsiumu qəbul etməsi üçün mədənin onu həzm etməsi lazimdır, ancaq buna yağlı və şirin qidalar maneə olur. Həmçinin spirtli və kofeinli içkilər, ən əsası da siqaret qidalardan aldığımız kalsiumu bədəndən asanlıqla xaric edir.

Bunu da bilmək lazımdır ki, müxtəlif yaşlarda kalsium qəbul etmə normaları fərqlidir.
1-3 yaş uşaqlar üçün gündəlik tələb 500 mq
4-8 yaş 800 mq-ə qədər
9-18 yaş maksimum 1300 mq
19-50 yaş 1000 mq
51 yaşdan yuxarı 1200 mq
Hamiləlik dövründə qadınlara körpənin normal inkişafı üçün 1300 mq kalsium lazımdır.