Top News - Aksion kundër piraterisë televizive. Procedohen hajdutët e kanaleve të Digitalb

Описание: Një operacion i gjerë i drejtorisë së krimit kibernetik në Policinë e Shtetit, në bashkëpunim me prokuroritë në disa rrethe të vendit kanë goditur këto ditë operatorët e ofrimit të shërbimit të internetit, që shesin abonime televizive pirate.
Në kuadër të këtij operacioni ka nisur procedimi penal ndaj disa personave dhe subjekteve, teksa operacioni do të vijojë me goditjen edhe të operatorëve dhe individëve të tjerë që piratojnë paketat televizive.
Gjatë aksionit të zhvilluar u proceduan operatorë interneti ISP në Tiranë, Vlorë, Shkodër, Sarandë, Lezhë por dhe qytete të tjera. Aktiviteti i piraterisë televizive është një fenomen që po dëmton direkt konsumatorin që paguan për një sherbim që nuk e merr.
Edhe më herët Drejtoria e Krimit Kibernetik në bashkëpunim me prokurorinë kanë goditur këtë fenomen që argëtimin e kthejnë në mashtrim. Edhe pse duken si një zgjidhje perfekte, qindra kanale, filma pa fund, sporte live, pasi ofrohen me një çmim qesharak, pas kësaj oferte joshëse, fshihet një mashtrim i rrezikshëm që po prek mijëra konsumatorë shqiptarë.
Dekodera IPTV pirate, të shitur ilegalisht nga individë, subjekte fantazmë por edhe nga operatorë të shërbimit të interetit, po përhapen masivisht përmes rrjeteve sociale dhe tregut informal. Pa licencë. Pa kontroll. Pa përgjegjësi. Të gjitha këto subjekte operojnë në kundërshtim me ligjin dhe shpesh u ndërpritet sinjali, duke ndërprerë kështu edhe shërbimin e ofruar për konsumatorët të cilët përballë këtij mashtrimi janë të pambrojtur, pasi nuk kanë asnjë kontratë që t’u garantojë rimbursim.
Ekspertët paralajmërojnë se shumë prej këtyre dekoderëve që shiten nga këta operatorë që ushtrojnë piraterinë televizive përmbajnë aplikacione të pasigurta, të cilat mund të vjedhin të dhëna personale, të hapin akses të paautorizuar në rrjetin e shtëpisë si dhe paraqesin rrezik ligjor, pasi këto shërbime funksionojnë duke piratuar përmbajtje televizive.
Çdo përdorues, edhe pa e ditur, bëhet pjesë e një aktiviteti të paligjshëm me pasoja që mund të shkojnë përtej ekranit. Prandaj apeli i ekspertëve për konsumatorët për të mos blerë dekodera IPTV nga burime të dyshimta, por të zgjedhin vetëm platforma të licencuara, me shërbim të garantuar, transparencë dhe siguri sepse në fund, ajo që nis si “kursim”, mund të përfundojë si mashtrim, rrezik dhe humbje. Shoqeria Digitalb, ngelet e angazhuar që të mbrojë në çdo kohë dhe në vazhdimësi të drejtat e veta të autorit të siguruara nga ligji.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Aksioni#Pirateria#Televizive