ما طرا لك - حمد بن محمد النويبت

Описание: ما طرا لك ..

ماطرا لك يا سعد ِذاك القطيني
المكان اللي ربينا في صبانا

يوم أنا وإنتا على عهدٍ سميني
ماشكينا من حَدانا وقصرانا

قاسمين المرّ ما بينك وبيني
الزعل مرفوض والرازق معانا

ياسعد يا صاحبي وين الحنيني
قُم تزهّب قبل ما تقصر خطانا

ما بقالي غير شيبٍ مبتليني
إن جرى دمعي ترى الغالي طرانا

لي مواقف ما قوى قلبي وعيني
حافرٍ بعض الرسم لو هو نسانا

في طرى الجشّه شبابي والسنيني
ماسلى طرفي ولا شوقٍ حدانا

ديرةٍ يازينها قبل المديني
الشجر في مرتعٍ ناكل غدانا

ماعرفنا غيرها والبيت طيني
كل دربٍ كاتبٍ منّا وطانا

في ثراها بان شوقٍ يعتريني
الصحابه والرفاقه في هوانا

شاقني فرجانها في كل حيني
البرايح ياربع تبكي ورانا

كم عزيزٍ بالثرى منّا دفيني
وكم صديقٍ حال بُعده ما لفانا

رحمتك يارحمتك ربٍ عويني
تحمي الجشّه وكيد اللي بلانا

الديار اللي كتبته بالجبيني
طول عمري حبّها كلّه خذانا

ما عفى السلوان عنّي والونيني
لو بَعدت أيّام نومٍ ما غشانا

في ترابك يابلد كنزٍ ثميني
لو بكيفي ما سكن فيها سوانا

تسهر عيونٍ عليها البُعد شيني
من يلوم اللي نصانا وإشترانا

ديرة الأجواد دهنٍ باليميني
الكرم والجود والمعطي عطانا

ربعي اللي للجمايل كاسبيني
ذكرهم هامات يسبقنا نبانا

تمّت السبحه وصلّوا سامعيني
الرسول المصطفى اللي دعانا
——————————-
حمد بن محمد النويبت
٢٤-١١-٢٠٢٢

————————————————————
كلمات الشاعر /
حمد بن محمد النويبت

أداء المنشد /
أحمد القرعاوي

تصوير /
حمد النويبت
عيسى عبدالرحمن المعيويد