شيلة تلاد عتيبه حراقات الضويلع - كلمات عناد القثامي - اداء جفران هضبان 2022

Описание: ‎لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..


الساحه الها ايام متخمها القصيد المستعار
لو تُسمل الساحه ما يصفي من ١٠٠ غير أربعه

ياليت ابن حثلين فـ الشعار يصدر له قرار
اللي ما عنده معرفه فالبل واهلها يقلعه

اجواء منيف من التحدي والصخب نار وشرار
على القصيده اللي يخلده الزمان مّشجعه

و انا ثلاث ايام راحت كن مافيها نهار
الفكر في رحلة عميقه و المنام الله معه

اخذت لي رحلة فضا من دون طيار و مطار
حتى نتخت اللي على شداد القصيد أمكوعه

بواردي في رمية الشاره ،. و تقرير العياااار
بـ المطلع اللي من مراويح السحاب امطلعه ..

والموقف اللي فيه لـ الشعار هيبه واعتباار
اخطاي دايم من فضل ربي تجاهه مسرعه

الراس تقدح من عظامه نار و التصريح نااار
و الشقح جتكم مستعده واهل الشقح نفعه

جاء وقت ردات البراء مال الكبار الا الكبار
و سفينة الربان منّا ما تنجيها أشرعه

جينا بحراقات لنوماس ما جيانا اختبار
راع الشداد اللي على وسق الشداد يودعه

علم هل الشقحا لا تحرقهم دقايق الانتظار
معهم من الثاني و بعده والحقيقه موجعه

جاهم ( تلاد عتيبه ) اللي محرين بـ الانتصااار
خل المنافس من نوادرنا تضيق به السعه

دق ٍحريقه مادخـل معها مدرجة الحوار
متناسقه من سن مفروده ليا سن جذعه

بنات هرشٍ بطنته لو انهااا وحده عماااار
كم فقريً من طارف انتاجه يذوق المنفعه

بنته طويلة غاربن منقاد مزويه فقاااار
عقلا العَقاب اللي مقادم سدوها مترفعه

من شافها يقول هذي جل في ثالث عشار
مع الرهى والاكتمال مطنفه ومسنعه

عكف الخشوم اللي مزينها تنشاااع الشقاار
هلال ٧ ايام قدم عيونهاا في مطلعه

وفريصة من شدقها وخلااف معطيها الوقار
لحيً تقول دزاع ذيب من الفريصه مشلعه

حفالتن ما حفلوها اهل الدباديب الضياار
اجنانها الهوبال لا قام الضويلع يشلعه

تهبد الجيب ان حدوهاا من سطرهاا والشنار
كن الاراضي من تحتهاا بالجحيم امولعه

في ضفً بدو من محبتها تزورها الديااار
ما نزلوها الا على الخد المساس ومرتعه

هذا التلاد اللي ماجنا مسفطانيه وأجاار
ما يلحقه عرق الردى من مبعه لا منبعه

نرهي على الاول ونعلنها جهار من النهااار
اللي دفعنا في نحى الاخصام كل مشعشه