MILF Chairman & UBJP President Al Haj Murad Ebrahim Eid'l Fitr 1446AH Message

Описание: PANOORIN | Mensahe ni Moro Islamic Liberation Front (MILF) Central Committee Chairman, at United Bangsamoro Justice Party (UBJP) President Al Haj Murad Ebrahim, para sa pagtatapos ng banal na buwan ng Ramadhan, at sa pagdiriwang ng Eid’l Fitr 1446 AH.

“Bismillah ar-Rahman ar-Raheem. Allahu Akbar! Allahu Akbar! Allahu Akbar! Wa Lillahil Hamd.

Assalamu alaikum warahmatullahi wabarakatuhu at isang mapayapa at makabuluhang Eid Mubarak sa ating lahat.

Matapos ang isang buwan ng pagsasakripisyo sa banal na buwan ng Ramadhan, dumating na ang panahon ng kasiyahan at pasasalamat. Ngayong Eid, nawa’y magsama-sama tayo kasama ang ating pamilya at mga mahal sa buhay upang ipagdiwang ang diwa ng pagkakaisa at biyaya ng pagtatapos ng banal na buwan ng pag-aayuno.

Habang ginugunita natin ang banal na araw na ito, nawa’y manatili sa ating puso ang tunay na aral ng Ramadhan- ang habag, pasensya, at pagkakawang-gawa. Ang mga pagpapahalahang ito ang siyang gumagabay sa atin tungo sa isang mas mabuting pagkatao bilang muslim at mas matibay na pamayanang Bangsamoro.

Sa mga minamahal kong Bangsamoro, hinihikayat ko kayong lahat na patuloy nating isabuhay ang mga aral na ito sa pang araw-araw. Sama-sama nating itaguyod ang isang Bangsamorong mapayapa, maunlad, at pinamumunuan ng moral governance. Magkaisa tayo sa pagtatayo ng isang Bangsamoro na nakabatay sa katarungan, pagkakapantay-pantay, at paggalang sa lahat, anuman ang ating pinagmulan—dahil sa huli, tayo ay isang pamilyang Bangsamoro.

Dalangin ko sa Allah (SWT) na tanggapin ang ating mga sakripisyo at panalangin. Bigyan nawa Niya tayo ng lakas at karunungan upang patuloy na mamuhay sa landas ng kapayapaan. Sa pagdiriwang ng pagtatapos ng banal na buwan ng Ramadhan, hangad ko para sa inyo at sa inyong pamilya ang isang makabuluhan, masaya, at mapayapang pagdiriwang ng Eid’l Fitr.

Taqabbalallahu minna wa minkum salihal amal. Wa kullu amin wa antum bikhair.

Eid Mubarak!”

©AlHajMuradEbrahim

#Bangsamoro
#MoroIslamicLiberationFront
#UnitedBangsamorJusticeParty
#EidMubarak
#EidlFitr1446AH