"Dəniz komando təməl kursu"na qəbul başlayır - BAKU TV

Описание: "Dəniz komando təməl kursu"na qəbul başlayır - BAKU TV

Müdafiə Nazirliyi "Dəniz komando təməl kursu"na qəbul elan edir.
Nazirlikdən bildirilib ki, Hərbi Dəniz Qüvvələrinin "Dəniz komando təməl kursu"na könüllü daxil olmaq arzusunda olan ən azı ümumi orta təhsilli, qanunla müəyyən edilən müddətli həqiqi hərbi xidmətini başa vurmuş, 28 yaşınadək hərbi vəzifəlilər fevralın 20-dən martın 25-dək müvafiq sənədlərlə birgə Hərbi Dəniz Qüvvələrinin qərargahında fəaliyyət göstərən qəbul komissiyasına müraciət edə bilərlər.
"Dəniz komando təməl kursu"na qəbul olunmaq üçün müraciət edən vətəndaşlar qəbul komissiyası tərəfindən hərbi xidmətə yararlılıq dərəcələrinin müəyyən edilməsi məqsədilə HDQ-nin poliklinikasına göndərilir. Hərbi həkim komissiyasının qərarına əsasən hərbi xidmətə yararlı hesab edilən və boyu 170 sm-dən yuxarı olan şəxslər qəbul imtahanlarına buraxılır.
Fiziki hazırlığı, üzmə bacarığı, ümumi bilik səviyyəsi, düşünmə qabiliyyəti, peşə maraqları, ünsiyyət qurmaq, liderlik və qərar qəbuletmə bacarıqları, fərdi-psixoloji və digər keyfiyyətlərinin öyrənilməsi məqsədilə keçirilən imtahanları müvəffəqiyyətlə verən namizədlər kursa qəbul edilirlər.
Kursu müvəffəqiyyətlə başa vuran vətəndaşlarla 3 il müddətinə bağlaşma imzalanır və onlar ixtisaslarına uyğun müvafiq vəzifələrə təyin olunurlar.

https://t.me/bakutvxeber
  / www.baku.tv  
  / baku.tv  
  / bakutvofficial  
https://www.baku.tv

"Dəniz komando təməl kursu"na qəbul başlayır

© 2023 © All Rights Reserved ℗ Baku TV

#mudafienazirliyi #denizkomandotemelkursu #qebul