200 ఏళ్లకు 'బందర్'పోర్టుకు మహర్దశ

Описание: #meil #machilipatnamport #andhrapradesh

200 ఏళ్లకు 'బందర్'పోర్టుకు మహర్దశ

మచిలీపట్నం పోర్టుకు 200 ఏళ్లనాటి పూర్వవైభవం ఉంది. చాలామందికి అక్కడో పోర్టు ఉండేదని కూడా తెలియదు. ఈ పోర్టు స్వాతంత్య్రానికి ముందు దేశానికే ఒక ప్రధాన వాణిజ్య కేంద్రంగా, ప్రవేశ ద్వారంగా ఉంటూ.. కీలకమైన ఓడరేవుగా పేరు ప్రఖ్యాతలు గాంచింది. దక్షిణాసియా దేశాలకు మచిలీపట్నం పోర్టు అత్యంత దగ్గరగా ఉండటంతో.. 'మసూలా' పేరుతో ఓడరేవు నుంచి గల్ఫ్ దేశాలకు ఎగుమతులు, దిగుమతులు జరిగేవి.

16వ, 18వ శతాబ్దాలలో డచ్, పోర్చుగీస్, ఈస్ట్ ఇండియా కంపెనీ దీనిని వర్తకాల కోసం ఉపయోగించింది. బందరు ప్రాంతపు చేనేత, కలంకారీ, అద్దకం దుస్తులకు పర్షియా దేశాల్లో మంచి డిమాండ్ ఉండేది. దీంతో ఆంగ్లేయులతోపాటు.. డచ్, పోర్చుగీసు వారు కూడా మచిలీపట్నంలో వ్యాపారం చేసేవారు. 1970 వరకు కార్యకలాపాలు కొనసాగించిన బందరు పోర్టు కాలక్రమంలో కనుమరుగైపోయింది.

రోజులు గడిచేకొద్ది ఈ చారిత్రక ఓడరేవు వైభవం తగ్గి.. ఇప్పుడు బీచ్​ ప్రేమికులకు, సామాన్యులకు వీకెండ్ గమ్యస్థానంగా మారింది. మంగినపూడి బీచ్​కి ఇప్పటికీ కూడా విపరీతమైన క్రేజ్ ఉంది. అక్కడి బీచ్ సందర్శకులకు ఆనందాన్ని అందిస్తోంది. ఫలితంగా నిత్యం స్థానిక, పర్యాటకులతో కళకళాడుతూ ఉంటుంది. అయితే ఈ పోర్టుకు పూర్వ వైభవం తీసుకొచ్చేందుకు రాష్ట్ర ప్రభుత్వం రంగం సిద్ధం చేసింది. 200 ఏళ్ల క్రితం తూర్పు తీరాన్ని ఓడల రవాణా, వాణిజ్య రంగంలో ఏలిన మచిలీపట్నం పోర్టుకు మళ్లీ ఇప్పుడు పూర్వ వైభవం తీసుకొచ్చేందుకు ప్రయత్నాలు మొదలయ్యాయి. అందులో భాగంగా కొత్త పోర్టు నిర్మాణ పనులు ప్రభుత్వం చేపట్టింది.

బందరు పోర్టు నిర్మాణంతో రానున్న కాలంలో కోస్తా ప్రాంతం ముఖ్యంగా కృష్ణా జిల్లా మరింత అభివృద్ధి చెందనుంది. దాదాపు 25 వేల మందికి ప్రత్యక్షంగా, పరోక్షంగానూ ఉపాధి లభించనుంది. ఏడాదికి 35 మిలియన్ టన్నుల కార్గో హ్యాండ్లింగ్ సామర్థ్యాన్ని కలిగి ఉండేలా నిర్మిస్తున్నారు. రెండేళ్లలో నిర్మాణం పూర్తి చేసేలా ప్రణాళిక సిద్ధమైంది.

Megha Engineering & Infrastructures Limited (MEIL) is a major infrastructure company headquartered in Hyderabad, India. The company was established in 1989 as a small fabrication unit. In due course of time, the unit made a name for itself. We are fired by the zeal to equip the country with an engineering and infrastructure foundation that can hold up its pillars for generations to come.