StarTalk一氣呵成版丨劉青雲爆因揀歌與翁子光鬧分歧 谷祖琳從阮永年身上見到曾經嘅自己

Описание: StarTalk一氣呵成版丨劉青雲爆因揀歌與翁子光鬧分歧 谷祖琳從阮永年身上見到曾經嘅自己

翁子光嘅新戲《爸爸》改編自享和街倫常慘案，兩位主演 劉青雲 與 谷祖琳 呢日就嚟到《StarTalk》同 王鎮泉 大談拍攝呢套戲時嘅心情同啟發。

青雲喺戲中同小谷飾演一對夫妻，為咗培養好感情，電影開拍前青雲努力想搵話題同小谷去傾偈，但因為太直男嘅關係，次次都開錯題目，結果畀小谷封為「話題終結者」。

電影中有一場兩人於K房唱歌嘅戲碼，青雲就拍本身拍攝就冇乜特別，惟獨係揀唱咩歌時，佢就同導演翁子光嘅意見出現分歧，青雲更侃侃而談自己想唱《幾分鐘的約會》嘅原因。

青雲畀人沉默寡言嘅感覺，但小谷就持相反意見，身邊嘅青雲亦開口表示：「做人真係難，講又話我講，唔講又話我唔講。」

提到片中一場生BB戲，青雲指當時見小谷喺床上「典嚟典去」，於是就關心對方係咪唔舒服？點知小谷就回一句「你唔好理我啦」，令青雲即時心諗：「大家都係對手，你使唔使咁講嘢呀？」之後青雲繼續分享自己當時喺片場嘅視覺，佢指拍攝現場有幾位真護士，而自己就只見到大家不停行嚟行去，至於喺床上嘅小谷就「典床典蓆」，即使冇用水壺噴濕，對方都已經成身汗，事後青雲就話呢個應該就係真實嘅生B過程。

呢套電影其中一樣想帶出嘅訊息就係「釋懷」，問到兩位演員是否做到釋懷？青雲就話人生唔好有太多遺憾就得，因為冇遺憾就冇咁多嘢需要釋懷同放下，佢更同大家分享自己嘅人生哲理，指唔開心事唔需要迫自己去開心，天下間冇嘢係必然嘅，青雲笑指自己唔太長進，所以唔覺得所有嘢係必要嘅，但就一定要學識珍惜，因為啲嘢隨時會冇，佢又指角色嚟舉指，指如果自己珍惜一個角色，會畀心機去演好佢，即使出嚟結果唔收得、冇提名、畀人鬧都好，但自己都努力過。

小谷則分享當年因為喪親而令自己變得行屍走肉，當望住青雲飾演嘅「阮永年」時，就令佢諗起當年嘅自己，青雲嘅演出更觸動到佢內心，而當佢再企後一步睇返「阮永年」呢個角色時，小谷發現自己有啲事係釋懷咗。

提到同戲中兩位小演員嘅對手戲，青雲指一切都係順住對方去畀反應，演出對方心目中嘅爸爸形象；而小谷就表示演員係來自生活，而今次呢個角色就令大家睇到佢嘅另一面。

電影中其中一個主題係關於思覺失調呢個病，谷祖琳提及醫管局有思覺失調求助熱線（2928 3283）查詢及轉介。

#StarTalk #爸爸 #劉青雲 #谷祖琳 #片場 #話題終結者 #思覺失調 #求助 #熱線 #抑鬱 #喪親 #電影 #荃灣 #享和街 #弒母殺妹案 #阮永年 #行屍走肉 #釋懷 #翁子光 #幾分鐘的約會 #遺憾 #沉默寡言
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0