MOE: დიდი ბრიტანეთის წარმომადგენლებთან ერთად სხვადასხვა ნარჩენების შესახებ შეხვედრა გაიმართა

Описание: http://moe.gov.ge/index.php?lang_id=G...
საქართველოს გარემოსა და ბუნებრივი რესურსების დაცვის სამინისტროსა და დიდი ბრიტანეთის ენერგეტიკისა და კლიმატის ცვლილებების დეპარტამენტის მხარდაჭერით ნარჩენების მართვის სააგენტოს დაფუძნების შესახებ სამუშაო შეხვედრა ჩატარდა. შეხვედრის მიზანი საქართველოს რადიოაქტიური ნარჩენების მართვის სტრატეგიის შემუშავების მხარდაჭერა, ასევე რადიოაქტიური ნარჩენების მართვასთან დაკავშირებული ფინანსური პოლიტიკის საკითხების განხილვაა. ძირითადი ნაწილი დაეთმო საქართველოს რადიოაქტური ნარჩენების მართვისა და განკარგვისთვის ოპტიმალური ვერსიის შერჩევას იმ რამდენიმე სქემიდან, რომელიც წარმოდგენილი იქნა გარემოსა და ბუნებრივი რესურსების დაცვის სამინისტროს მიერ.
შეხვედრას გარემოსა და ბუნებრივი რესურსების დაცვის მინისტრის მოადგილე შალვა ამირეჯიბი, თავდაცვის, იუსტიციის, შინაგან საქმეთა სამინისტროების და სხვა სახელმწიფო უწყების წარმომადგენლები დაესწრნენ.