ЗАМАНАУИ САБАҚ ЖОСПАРЫ

Описание: Мұғалім білуге тиісті және жұмыс жасайтын негізгі құжаттар тізімі. Мектепте сіз Тақырыптық күнтізбелік жоспар мен Қысқа мерзімді жоспарды ғана құрастырасыз. Қалған құжаттардың барлығы қолыңызда дайын. ҚМЖ құрастыру барысында ең әуелі сабақтың тақырыбына байланысты Оқу мақсаттарына назар аударасыз. Оқу мақсатының негізінде сабақ мақсатын құрастыру керексіз. Келесі қадам - тапсырмалар құрастыру. (яғни, тапсырманы сіз сабақ мақсатына сай құрастырасыз.) Тапсырмадан соң Бағалау критерийлері, соңғы әрекетіңіз - дескриптор құрастыру. Бұл тапсырмаларды қандай әдіс-тәсілдер арқылы жүзеге асырасыз, ол сіздің шеберлігіңізге байланысты. Мұғалім ескеретін ең маңызды мәселе - топтық жұмыс барысында оқушы білімін баллдық жүйемен емес, коментарийлер арқылы ынталандыру. Өйткені сіз топтық жұмыс арқылы белгілі бір тақырыпты талдайсыз.Бұл кезеңде оқушылар бір-бірін бағалауды жүзеге асырады, бір-бірінен үйренеді. Келесі тапсырманы үштік одаққа немесе жұптық жұмысқа бергеніңіз абзал. (тиімдісі - үштік одақ.) Соңғы тапсырмаңыз жеке жұмысқа бағытталуы тиіс, себебі оқушы білімін бағалауда жеке жұмыстың рөлі маңызды. Міндетті түрде тапсырмада БК-і және дескриптор болу керек! Топтық, үштік одақ, жұптық жұмыстың миссиясы - оқушыны жеке жұмысқа жетелеу. Сабақ мақсатына жетудің көрсеткіші - жеке жұмыс екенін естен шығармаңыз. Сұрағыңыз бар ма, әріптес?