LETA LETE - Marjan Uljan – Malibu

Описание: 18. Festival čakavske šansone „ČAnsonfest – Kastav 2022.“, 26.08.2021.

LETA LETE
(čakavština istočnog dijela Rijeke, Sušačka Draga)
Jani Lipičnik / Robert Pilepić / Aleksandar Valenčić
Interpret: Marjan Uljan – Malibu


LETA LETE
VRIME PASUJE
LEH GRE
I NE FERMUJE
ZAVAVIK
OSTAT ĆE
JEDINO LJUBAV

DOMIŠLJAN SE, ŽIVLJENJA SVOJGA
KAKO TIĆ MI JE S PRED NOSA PRELETEL
DOMIŠLJAN SE, NA LIPE LETA
KAD SE MOGAL SAN I KAD SAN SE OTEL
PASUJE DAN, VA MORE SUNCE PARTI SPAT,
STARIJI SMO I TI I JA
STARIJI SMO
VRIME NE MORE SE FERMAT

DOMIŠLJAN SE,
KADA SAN PRVI PUT TE BUŠNUL I ZA RUKU ZEL
DOMIŠLJAN SE,
I ONDA, A I SAD SI BILA MOJGA SRCA VELI DEL
JEDAN ŽIVOT, ČA SMO PASALI TI I JA,
TI LIPA ROŽICA MOJA
STARIJI SMO
MA JOŠ SE VAVIK VOLIMO

LETA LETE
VRIME PASUJE
LEH GRE
I NE FERMUJE
SE DRUGO MORE STAT
MA VRIME NIKAD NEĆE SE FERMAT

LETA LETE
DICA SU LJUDI
A MI
POMALO SEDI
JOŠ VAVIK
JOŠ VAVIK
LEH VOLIMO SE

LETA LETE, MA NEKI JE JEDAN PUT REKAL
DA SU LETA NIŠ LEH BROJ
LETA LETE, MA TI ZAVAVIK SI JUBAV MOJA
I JA SAN SAMO TVOJ
NEKA LETE, JEDINO TO JIN DELO JE
A TI SE STISNI KRAJ MENE
I BUŠNI ME
TAKO NAN VRIME LIPŠE GRE

LETA LETE
VRIME PASUJE
LEH GRE
I NE FERMUJE
SE DRUGO MORE STAT
MA VRIME NIKAD NEĆE SE FERMAT

LETA LETE
DICA SU LJUDI
A MI
POMALO SEDI
JOŠ VAVIK
JOŠ VAVIK
LEH VOLIMO SE
--
© Udruga "Kanat" Kastav i "Grafik studio" Rijeka, 2022.