ტრენინგები მუსიკის სფეროს და კულტურის ჟურნალისტიკაში დასაქმებული პროფესიონალებისთვის

Описание: ბრიტანეთის საბჭოს პროგრამა Selector PRO-ს ფარგლებში მუსიკის სფეროს და კულტურის ჟურნალისტიკაში დასაქმებული პროფესიონალებისთვის ატარებს ტრენინგებს, რომელთაც ბრიტანელი ექსპერტები უძღვებიან.
6-დან 8 თებერვლის ჩათვლით მუსიკალური ღონისძიებების მენეჯმენტის ტრენინგი მონაწილეებს საშუალებას მისცემს გაიუმჯობესონ პროფესიონალური დონის ცოდნა ივენთ მენეჯმენტის შესახებ. ტრეინინგი მოიცავს ისეთ სფეროებს როგორიცაა ღონისძიების დიზაინი და დაგეგმარება, აუდიტორია, მარკეტინგი, პრომოუტირება, ლაივ მუსიკის ივენთებზე მომუშავე ადამიანები, პროექტის მენეჯმენტი. ტრენინგის დროს განსაკუთრებული ყურადღება დაეთმობა ჯანმრთელობის და უსაფრთხოების საკითხებთან დაკავშირებულ კანონებს და ტექნოლოგიებს, რაც ასე საჭირბოროტოა ნებისმიერი ღონისძიების ჩატარებისას.
კურსს გაუძღვება ბრიტანელი ექსპერტი - დენ ცუ (BIMM London/Lyrix Organix) - ივენთ პროდუსერი, პრომოუტერი, და პედაგოგი, რომელიც წლებია თანამშრომლობს ბრიტანეთის საბჭოსთან.
8-10 თებერვალს კი ჩატარდება კულტურის ჟურნალისტიკის ტრენინგი, რომლის მიზანია მუსიკაზე ფოკუსირებით ჟურნალისტიკაში არსებული ცოდნის გაუმჯობესება და პრაქტიკული უნარების განვითარება. ტრენინგის თემებს შორისაა მუსიკალური ჟურნალისტიკის თავისებურებები და ინტერვიუს ტექნიკა, Vox pop, კონცერტზე დასწრება და რეცენზიის წერის მეთოდები, ეთიკური კითხვები, კრიტიკული დისკურსი და სხვა.