Majlis Meyxana Konserti - Vətənim var
Автор: Majlis
Загружено: 2026-03-30
Просмотров: 20344
Описание:
Əliağa Vahidin doğum gününə həsr olunmuş meyxana konsertindən ilk qafiyəni sizinlə bölüşürük. Konsert 2026-cı il 17 fevral tarixində Circus Sea Breeze-də baş tutmuşdur.
Aparıcı: Vüqar Əbdülov
İştirakçılar: Ruslan Müşviqabad, Cahangeşt Balaxanı, Rüfət Dahi, Pərviz Arif, Baba Qədirli, Pünhan Azim.
Layihə rəhbəri: Ülvü Yunisli
Layihə kordinatoru: Babək Həsənzadə
Dizayner: Ceyhun Rüstəmli
Kreativ direktor: Elgün Ağayev
Kopirayter: Rəvan Əli Sübhan
Lyrics:
Fəxr eyləmə ey bülbüli-şeyda çəmənim var,
Qoy fəxr eləyim mən ki, gözəl bir vətənim var. (Əliağa Vahid)
Xalqım mənim olmuş beşiyindən sözə həssas
Vahid kimi şairlərimizdən bizə miras
Meyxanə mənim xalqıma ancaq sayılır xas
Yalnız mənə məxsusdu bu dünyadə mənim var.
Şükr edirəm Allaha parlaq sabahımçün,
Hər anı qızıldan baha parlaq sabahımçün,
Azad bugünümçün, daha parlaq sabahımçün,
Sərkərdələr imzası atılmış dünənim var.
Möhkəm zəfər addımları etdikcə müşaiyət
Bitməz bu vətən şərqisi, bitməz bu hekayət
Al-qanə boyansam vətənimçün nə şikayət?
Zənn eylərəm əynimdə qızıl pirəhənim var.
Paytaxtımız olduqca nağılvari şəhərdi
Ətrafı müasir və qədim abidələrdi
Hər bir daşı bir tarixə söykənmiş əsərdi
Hər qülləsi sönməz bir alov göydələnim var.
Biz güllələri güllərə döndərdik uşaqçün
Tam birləşib ətdən çəpər olduq Qarabağçün
Yad qüvvələrin zərbələrindən qorumaqçün
Qalxan da gərəkməz sipər olmuş bədənim var.
Son damla qanın tökməyə öz yurduna xatir
Öz ailəsin topladı bir yaşlı komandir
İllərlə yolun gözləyən insanlara bir-bir
Bir söz dedi mən getməliyəm gözləyənim var
Ey düşmənə göz dağı böyütmüş Ana, əhsən,
Dağlar belə məğrur dura bilməzdi qətiyyən,
Qalsam sizin iffət çəkən övladınızam mən,
Ölsəm sizin ağ saçlarınızdan kəfənim var.
El qədrini kim bilməsə, el qədrini bilməz
Bizlərdə qiymətlilərin ardı kəsilməz
Bir-bir demək olsaydı deyərdim, saya gəlməz
Çox qəhrəmanım var, igidim var, ərənim var.
Hər sahəyə lazım qədər ayrıldı vəsait,
Hər bir şəhərin şəninə şəhanə şərait,
Hər guşəsi sakit yaşam asayişi sabit,
Zəhmətlərin ərzində pozulmaz düzənim var.
Qəlbimdəki mərdanəliyin məşəli sönməz,
Üçrəngli vətən bayrağı yüksəldisə, enməz,
Minlərlə oğul var ki, bu yoldan geri dönməz,
Çün Ali Komandan kimi yol göstərənim var.
Ruhumda dəmir yumruğun əzmiylə dəmadəm
Çöhrəmdə əzəldən dəyişilməz bir ifadəm
Müşkülləri dəf etmək üçün möhkəm iradəm
Öz yurdumu hifz etmək üçün özgüvənim var.
Göstərmək üçün sənəti sənət şəkilində
Həm sizləri, həm bizləri heyət şəkilində
Cəm eyləyən ətrafına vəhdət şəkilində
Vahid kimi görkəmli ziyalım, mədənim var.
Повторяем попытку...
Доступные форматы для скачивания:
Скачать видео
-
Информация по загрузке: