Ունա՞կ է Եվրոպան ինքնուրույն վերազինվել

Описание: Եվրոպան հայտարարել է մասշտաբային վերազինման մասին, և արձագանքելով անդրատլանտյան հարաբերությունների վերաբերյալ Վաշինգտոնի նոր մոտեցումներին՝ Բրյուսելում պայմանավորվել են 860 միլիարդ դոլար կազմող ReArm Europe ծրագրի մեկնարկի մասին

Պաշտպանական ոլորտի եվրոպական ընկերությունների բաժնետոմսերը նախորդ շաբաթներին երկնիշ աճ են գրանցել՝ նման կերպ որոշակիորեն մեղմելով միջազգային շուկաներում ի հայտ եկած լարվածությունը՝ փաստորեն, սկիզբ առած առևտրային պատերազմների պատճառով:

Միացյալ Նահանգներ-Եվրոպա-Ուկրաինա-Ռուսաստան գծում նախորդ շաբաթներին տեղի ունեցած հայտնի զարգացումների ֆոնին՝ Բրյուսելը փորձում է ամրապնդել իր պաշտպանունակությունը ու հատկապես Վաշինգտոնից հնչող այն հայտարարությունների ֆոնին, թե եվրոպական անվտանգությունն այլևս ԱՄՆ առաջնահերթությունը չէ:

«Ֆոնդային շուկան հասկացել է, որ Եվրոպան ավելի ինքնուրույն է դառնում և պետք է, համապատասխանաբար, պաշտպանի իրեն, իսկ ԱՄՆ-ն, այլևս, հանդես չի գալիս որպես վստահելի գործընկեր»,- ասում է գերմանական Steubing AG բանկի ներկայացուցիչ Թիմ Էյշները:

ԱՄՆ նախագահ Դոնալդ Թրամփը տևական ժամանակ է, ինչ կոչ է նում Եվրոպային ավելի շատ ծախսել սեփական պաշտպանության ուղղությամբ՝ պնդելով, թե Վաշինգտոնն այլևս չպետք է վճարի եվրոպական անվտանգության ապահովման համար:

Հինգշաբթի Բրյուսելում կայացած հանդիպման ժամանակ Եվրամիության առաջնորդները՝ Ուկրաինայի նախագահ Վոլոդիմիր Զելենսկու հետ միասին, քննարկել են 860 միլիարդ դոլար արժողությամբ «Վերազինել Եվրոպան» (ReArm Europe) մասշտաբայի ծրագիրը, որը ֆինանսավորվելու է ԵՄ թողարկած պարտատոմսերով:

«Փողը ավելի քիչ խնդիր է, քան [խնդրի] լուծումը: Տեսանք COVID-ից հետո, որ Եվրոպան ու ԵՄ-ն արագորեն կարողացան մոբիլիզացնել հարյուր միլիարդավոր եվրոներ»,- ասում է Դյուսելդորֆում գործող գերմանա-ուկրաինական խորհրդատվական բյուրոյի ներկայացուցիչ Մատիա Նելեսը:

«Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին:

«Ամերիկայի Ձայն»-ի Հայկական ծառայությունը Վաշինգտոնից եթերում է ավելի քան 70 տարի` տասնամյակներ շարունակ ծառայելով որպես լրատվության հուսալի և անկողմնակալ աղբյուր: Այն այսօր էլ շարունակում է լինել տեղեկատվության վստահելի աղբյուր` ներկայացնելով միջազգային լուրերի, Հայաստանի և տարածաշրջանի վրա ԱՄՆ-ի քաղաքականության ուղղակի ազդեցության, ամերիկահայերի, ամերիկյան մշակույթի, գիտական նորությունների և շատ այլ թեմաների շուրջ համապարփակ տեղեկատվություն:

https://www.amerikayidzayn.com/
  / amerikayidzayn  
  / amerikayidzayn  
https://t.me/Amerikayidzayn

Ukraine Europe weapon