მაწონში დამარინადებული ქათმის ფილე & ბადრიჯანი მაწვნის სოუსით

Описание: მაწონში დამარინადებული ქათმის ფილე & ბადრიჯანი მაწვნის სოუსით 💛

ინგრედიენტები:

ფილესთვის:

🔸 2 ც. ქათმის ფილე
🔸 50 გ. მაწონი
🔸 1 ს.კ. ზეითუნის ზეთი
🔸 ½ ჩ.კ. პაპრიკა
🔸 ½ ჩ.კ. ნივრის სუნელი
🔸 ¼ ჩ.კ. ორეგანო
🔸 ¼ ჩ.კ. ძირა
🔸 მარილი და წითელი დაღერღილი წიწაკა გემოვნებით
🔸 ½ ლიმონის წვენი

ქათმის ფილე ღრმად დასერეთ (ოღონდ ბოლომდე არ ჩაჭრათ), გაუკეთეთ 2 ვერკიტალური და 3 ჰორიზონტალური ჭრილი.

მაწონს დაუმატეთ დანარჩენი ინგრედიენტები, კარგად გადაურიეთ და მიღებულ მარინადში ამოსვარეთ ქათმის ფილე. გადააკარით სამზარეულოს ცელოფანი და დაასვენეთ მაცივარში მინიმუმ 1 საათით, უმჯობესია მთელი ღამით.

შემდეგ გადაიტანეთ აეროგრილში და აცხვეთ roast ფუნქციით 15-17 წთ. შეგიძლიათ გამოაცხოთ ღუმელშიც 200 გრადუსზე, ან შეწვათ ტაფაზე.

🍆 ბადრიჯანი მაწვნის სოუსით:

🔸 900 გ. ბადრიჯანი
🔸 ½ ჭიქა გაწურული მაწონი
🔸 3 ს.კ. ზეითუნის ზეთი
🔸 2 კბილი ნიორი
🔸 ½ ჩ.კ. ძირა
🔸 ½ ჩ.კ. პიტნა
🔸 მარილი, პილპილი და წითელი დაღერღილი წიწაკა გემოვნებით
🔸 ½ ლიმონის წვენი

მომზადება:

ბადრიჯანი 1 სმ სიგრძის კუბებად დაჭერით, მოაყარეთ მარილი და პილპილი, მოასხით ზეითუნის ზეთი, ამოურიეთ და გადაიტანეთ აეროგრილში. აცხვეთ air fry ფუნქციით 30 წთ, პერიოდულად გადაურიეთ. ასევე შეგიძლიათ გამოაცხოთ ღუმელში 200 გრადუსზე.

გაწურულ მაწონს დაუმატეთ დარჩენილი ზეითუნის ზეთი და დანარჩენი ინგრედიენტები, კარგად გადაურიეთ და მოასხით გამომცხვარ ბადრიჯანს, ამოურიეთ და მზადაა.


გემრიელად მიირთვით! 💛