Qusarda Novruz bayramı belə qeyd olundu!

Описание: Azərbaycanın şimal qapısı Qusarda Novruz bayramı xüsusi coşqu ilə qeyd olunub. Bayram tədbirində elimizin qədim adət-ənənələri, milli mətbəx nümunələrimiz nümayiş etdirilib, rəngarəng konsert proqramı təqdim olunub.
Qusar şəhərinin mərkəzi meydanında təşkil olunan tədbirə Bahar qızın gəlişi ilə start verilib.Bahar qızı əvvəlcə xüsusi bəzədilmiş avtomobildə şəhəri gəzərək sakinlərə bayram müjdəsini çatdırıb.Meydanda bayram tonqalı alovlandıqdan sonra Novruz personajları şənliyə qoşulub. Bayram tədbirində elimizin qədim adət-ənənələri, milli mətbəx nümunələrimiz nümayiş etdirilib. İştirakçılar rayondakı istedadlı şəxslərin əl işlərindən ibarət sərgi, eləcə də rayon idmançılarının nümunəvi çıxışları ilə tanış olublar.
Bayram tədbirində rayon icra hakimiyyətinin, idarə, müəssisə və təşkilatların rəhbərləri, şəhid ailələri, ziyalılar, gənclər və rayon ictimaiyyətinin nümayəndələri iştirak ediblər.Tbildirib ki, Novruz xalqımızın mədəniyyətini, milli mənəvi dəyərlərini özündə əks etdirən, dünyaya tanıtdıran qədim el bayramıdır. Qədim tarixə malik Novruz həm də əcdadlarımızın bizə töhfəsi, onlardan qalan mirasdır.Tədbir bayram konserti ilə davam edib. Yerli incəsənət ustalarının, Qusar Dövlət Ləzgi Dram Teatrının və rəqs kollektivlərinin ifasından ibarət rəngarəng konsert proqramı bayram şənliyinin iştirakçılarında xoş ovqat yaradıb.