DIWANI MOROGORO ASIMAMISHWA KAZI KISA MITANDAO
Автор: Mwananchi Digital
Загружено: 2024-11-08
Просмотров: 417
Описание:
Baraza la Madiwani wa Halmashauri ya Morogoro limeazimia kumsimamisha kuhudhuria vikao vitatu mfululizo na kumnyima stahiki zote, Diwani wa Kata ya Mikese, Selemani Kimbeho, kutokana na kukutwa na hatia ya matumizi mabaya ya mitandao ya kijamii na kutumia lugha zisizofaa dhidi ya viongozi wenzake.
Uamuzi huu ulielezwa na Mwenyekiti wa Halmashauri hiyo, Lucas Lemomo wakati wa kikao cha kawaida cha robo ya kwanza kwa mwaka wa fedha 2024-2025.
Mwenyekiti Lemomo alieleza kuwa si mara ya kwanza kwa Kimbeho kujihusisha na vitendo vilivyo kinyume na kanuni na taratibu za uongozi wa Halmashauri, jambo lililopelekea kamati ya maadili kutoa adhabu hiyo.
Hata hivyo, akizungumza kwa njia ya simu na Mwananchi Digital, Kimbeho alikana madai hayo, akisema ana mgogoro wa muda mrefu na mwenyekiti wa halmashauri, jambo ambalo linapelekea kubambikiwa tuhuma.
Alisisitiza kuwa tuhuma dhidi yake kuhusu kuchapisha maudhui ya kashfa kwa viongozi wenzake si za kweli, na ameahidi kufuata taratibu za kisheria ili kupata haki yake.
VIDEO NA HAPPYNES MREMI
Повторяем попытку...
Доступные форматы для скачивания:
Скачать видео
-
Информация по загрузке:
