အန္တရာယ်ကင်းကမ္မဝါစာကာကွယ်မင်္ဂလာ🙏 အိမ်သန့်၊မြေသန့်၊ဝိုင်းသန့်ပတ်ဝန်းကျင်သန့်အန္တရာယ်အားလုံးပျောက်‌‌

Описание: အရိယာအရှင်မြတ်ကြီးဟု သမုတ်ထင်ရှားတော်မူသည့်
ထူးခြား အံ့ဖွယ်ကျေးဇူးတော်ရှင်
ငတရော်ဆရာတော်ဘုရားကြီး"

ဆရာအစဉ်အဆက်
ဆရာတော်ဘုရားကြီးဟာ တိပိကဓရမင်းကွန်းဆရာတော်ဘုရားကြီး၏ လက်ရင်းတပည့်ကြီးဖြစ်ပါတယ် ဆဌသံဠာယနာ ပွဲ မှာ မင်းကွန်းဆရာတော်ကြီးရဲ့ ကျမ်းပြုရာတွင် လိုအပ်သောကျမ်းစာကို ရှာပေးရတဲ့တပည့်ဖြစ်ပါတယ် သံဠာယနာပွဲ လေးနှစ်ကျော်ကြာတဲ့အတွက် ကြားထဲ အားလပ်ချိန်တွေမှာ ဆရာတော်ကြီးက မဟာစည်တရားစခန်း မှာ ဝင်ပီး တရားအားထုတ်လေ့ရှိတယ် ငယ်စဉ်ကတည်း က ပဋိပတ်ကို ပို စိတ်ဝင်စားတဲ့သဘော လို့ပြောတယ် စာအရာမှာလည်း မင်းကွန်းဆရာတော်ကြီး လက်စွဲ ဆိုတော့ ခေသူ မဟုတ်လို့ ပြောရမယ် ဆရာတော်ဘုရားကြီးဟာ ငယ်စဉ်ကတည်း က ကျော်ကြားတဲ့တရားခန်းတွေ အတော်များများမှာ ဝင်ဖူး အားထုတ်ဖူးတယ် အဓိက ဘယ်နည်းစနစ်နဲ့ တရားအားထုတ်လဲ လို့ မေးတော့ အာနာပါန လယ်တီနည်းလို့ ပြောပါတယ်
ငတရော်တွင် သီတင်းသုံးခဲ့ပုံ
မင်းကွန်းမှာစာသင် စာချ လုပ်နေတုန်း ဇာတိရွာ ငတေရာ် ငယ်ဆရာတော်က ပြန်ခေါ်လို့ ငတရော်မှာ သီတင်းသုံးခဲ့တယ် ကျောင်းမှာလည်း လူများလို့ ရွာပြင်မှာ တပါးကျောင်းနဲ့ တရားအပြင်းအထန် အားထုတ်တော်မူခဲ့ပါတယ်

မြေကြီးအလား သည်းခံစိတ်ရှိသောအရှင် ဖြစ်တော်မူပုံ
ယခု ဖြစ်ရပ်က တဆင့်ကြားမဟုတ်ပါ ဆရာတော်ကြီး ကိုယ်တော်တိုင် ပြန်လည်ပြောခဲ့တာကို မှတ်တမ်းယူရေးသားထားတာပါ။

၂၀၁၀ ဝန်းကျင် ထင်ပါရဲ့ ငတရော်ရွာမှာ လူစိမ်းတယောက် လာရောက်နေထိုင်တယ် ဘုန်းကြီးကျောင်းလည်း အမြဲလာ တရားတွေဆွေးနွေး နာကြားပီး အဲ့လူက ပြန်လေ့ရှိတယ် ဒီလူက ရမည်းသင်း ဘက် မိုးထိမိုးမိမှာ ရွှေသွားတူးရင် အဆင်မပြေဖြစ်လာတယ် ခါတိုင်းလို ဘုန်းကြီးရောက်လာပီး ဆရာတော်ကြီး တပါးတည်း ရှိချိန် "အရှင်ဘုရားကို တပည့်တော် ဓါးနဲခုတ်ခွင့်ပြုပါ" ဆိုပီးလျှောက်တယ် ဒကာ အဲ့လို မပြောကောင်းဘူး ဆိုပြောတယ် လူတွေ ရောက်လာတော့ ထပြန်သွားတယ် ဆရာတော်ကြီး ခွင့်လွတ်တော်မူပါတယ်
နောက်သိပ်မကြာခင် ထပ်ရောက်လာတယ် အဲ့အချိန်က ရပ်ရွာလူကြီးတွေလည်း ရှိတယ် အဲ့အချိန်မှာ ဆရာတော်ဘုရား တပည့်တော်ကို သနားရင် ဓါးနဲ့ ခုတ်ခွင့်ပြုပါလို့ ထပ်လျှောက်တယ် ရပ်ရွာဥက္ကဌလည်း ကြိမ်းမောင်းပြန်လွတ်လိုက်တယ်
တခုသော နေ့ ထိုနေ့ကား ကောင်းမှုတော်ဘုရားပွဲနေ့ ဥပုဒ်နေ့မှာ ဆရာတော်ဘုရားကြီး နှစ်ထပ်ကျောင်းဆောင်အောက် တွင် ဒကာရင်းတဦးအား ဓမ္မနဲ့ပတ်သက်ပီး ဟောပြောနေတဲ့အချိန် အဆိုပါ လူဟာ ဆိုင်ကယ် ကျောင်းဝန်းထဲ မောင်းလာပီး လက်ထဲမှာ အမဲခုတ်ဓါးမကြီး ယူလာတယ် သွေးတွေလည်း ရွဲနေတယ်(လမ်းထိပ်တွင် ရွာဥက္ကဌအားခုတ်သတ်ခဲ့ပီး နောက်မှသိရ) ။ အဲ့အချိန် ဆရာတော်ကြီးနားက ဒကာက သွားတာတော့ ဓါးနဲ့ခုတ်လိုက်တာ ဒကာက လက်မောင်းအခုတ်ခံရတယ် ဆရာတော်ကြီးက ငါ့ဆီလာပါ သူကို ဒုက္ခမပေးပါနဲ့ ဆိုပီး လှမ်းပြောလိုက်တယ် ဓါးခုတ်ခံရဒကာလည်း ရွာထဲ ထွက်ပြေးသွားတယ် မပြေးရင်သေနိုင်ပါတယ်။ လူမိုက် က ဆရာတော်ကြီးရှေ့ ငုတ်တုပ်ထိုင် ပီး တပည့်တော် အရှင်ဘုရားကို ဒီနေ့ နိဗ္ဗာန်အရောက်ပို့ပေးရစေ ဆိုပီး လျှောက်ထားပါတယ် ဆရာတော်ကြီးက ဒီနေ့တော့ ရောက်လာပီ ရှောင်မရတော့ဘူး သိပီး စိတ်ထဲမှာ
"ငါသည်ရဟန်းသီလအားမကျိုးမပေါက် မဖောက်ပြားဘဲ စောင့်ထိန်းခဲ့ပါက ငါ၏အသက်မြဲစေ သို့မဟုတ်ပါက ယနေ့ အသက်ကုန်စေ" လို့ အဓိဌာန် ပြုတော်မူတယ်

ဆရာတော်ကြီး ဝိနည်းအရခွင်ပြုတော်မမူ ကျန်တာတော့ ဒကာသဘောပါ လို့ ပြောတယ် လူမိုက် ဆရာတော်ကြီး ခေါင်းကို ခုတ်ပါရစေ ဆိုပီး ခေါင်းကို ခုတ်တယ် သွေးတွေ သင်္ကန်းတခုလုံး ချွဲပေါ့ သုံးချက်လောက်ခုတ်တယ်
နောက် အရှင်ဘုရား ပခုံးကိုခုတ်ခွင့်ပြုပါဆိုပီး ပခုံးကို ဓါးနဲ့ခုတ်ပြန်တယ် ဆရာတော်ဘုရား လက်ကို ခုတ်ခွင့်ပြုပါ ဆိုပီး လက်ကို ခုတ်လိုက် ညာလက်လက်သူကြွယ် ပြတ်သွားတယ် ဒီကြားထဲ လူမိုက် က အရှင်ဘုရား ဒီဘက်နေရာ နေအလင်းရောင် မရ မှောင်နေလို့ လင်းတဲ့နေရာလေး ကို လက်ညှိုးထိုး ရွေ့ပြောင်းဖို့ လျှောက်ထားတော့ လင်းတဲ့နေရာ(ခြေလှမ်းဆယ်လှမ်းလောက် အကွာ) ကို အခုတ်ခံနေရင်း တန်းလန်းမှာ သည်းခံစိတ်နဲ့ ရွေ့ပေးတော်မူတယ်(ကဲ စဉ်းစားသာကြည့် ကျနော် မျက်ရည်ဝဲခဲ့တယ်)

နောက်တော့ ဆရာတော်ကြီးဟာ အခုတ်ခံနေရစဉ် ဘုရားသားတော်ပီပီ ဓမ္မကိုဂရုပြုပီး ဝေဒနာကို သည်းခံ အသံထွက်ခြင်းမရှိဘဲ သည်းခံတော်မူတယ် လူမိုက်က ဆရာတော်ဘုရားကြီး ကို သေချာအသေသတ်ရန် မုဆိုးထိုင် ထိုင်ပီး ခေါင်းကို ဒူးခေါင်းနဲ့ ဖိ ဘယ်လက်နဲ့ အားရပါးရ ခုတ်ရန်ရွယ်စဉ်( ခုတ်မိပါက ကျိန်းသေ အသက်သေနိုင်သည်) ထိုလူမိုက် ရင်ဘက်ကို လက်နဲ့ ဖိကာ အားချည်း မောပီး ခဏရပ်သွားတယ် ကျောင်းက ဦးဇင်းတပါး ကျောင်းဝန်းအဝင် တွေ့လို့ အုတ်နီခဲ နဲ့လှမ်းထု တော့ ထိတယ် ဦးဇင်းကို မဲပီး ဓါးနဲ့လိုက်ခိုက် ထိုအခိုက် ခဲတပစ် အကွာ ဇရပ်မှာ အမျိုးသမီးယောဂီတွေက တွေ့တော့ ဆရာတော်ဘုရားကြီး တကိုယ်လုံး
သွေးတွေချွဲဆိုနေတာမြင်တော့
ဆရာတော်ဘုရားကြီး က သေပါပီ လို့အော်တော့မှ လူမိုက်က ဆရာတော်ကြီး သေပီထင်လို့ ကျောင်းဝန်းထဲ ထွက်ပြေးသွားတယ်
ကျေးဇူးတော်ရှင်ငတရော်ဆရာတော်ဘုရားကြီး ဓါးနဲ့အခုတ်ခဲ့ရတာ အချက်ပေါင်း (၃၀) ကျော်ပါတယ်
သတိသမ္မာစဉ် မလွတ်ပါ တရားဂရုပြုနေပါတယ် ဒေါသထွက်ခြင်းအလျဉ်း မရှိငတရော်တိုက်နယ်ဆေးရုံသို့
အားချင်း ပို့ကြရာ အဝေးမှ အရိုးဆရာဝန်ကြီး ရောက်နေပါတယ်

(တိုက်ဆိုင်မှူ) ဆရာတော်ဘုရားဒဏ်ရာတွေ ဆေးထည့် တချို့ကိုချုပ်ပေးဖို့ လုပ်နေရင်း တန်းလန်း ဒဏ်ရာတချို့ သူ့သာသာသူ သွေးတိတ် ကျက်သွားတယ်
(တရားက ပြန်စောင့်ရှောက်တဲ့သဘော) ပြတ်သွားတဲ့ လက်ကို ပြန်ဆက်ပေးဖို့ ပြောရာ ဆရာတော်ကြီး ငြင်းတော်မူတယ် တရားအမြဲအားထုတ်ဘို့ သတိပေးတဲ့သဘော
(သံဝဝေဂ) အနေနဲ့ ပြတ်တဲ့အတိုင်း ထားတော်မူတယ် ကြည်ညိုသူ ဆရာဝန်ကြီးက ဆေးရည်စိမ်ကာ သူ့အိမ်က ဘုရားစင်မှာ ပူဇော်ထားတော်မူတယ်

အဆိုပါဖြစ်ရပ် က အုန်းအုန်းကြွက်ကြွက် ဖြစ်တော့ တရားခံကို အပူတပြင်းလိုက်လံ ဖမ်းဆီးရန် ကြိုးစားကြပါတယ် အဲ့အချိန် ဆရာတော်ကြီး အဲ့တရားခံကို သနား​သော အားဖြင့်လွတ်မြောက်ဖို့ မေတ္တာပို့ပေးခဲ့ပါတယ် အဲ့ဒါကြောင့်လား တော့ မသိအခုထိတော့ ဖမ်းမမိသေးဘူး
သို့ပေမယ့်လည်း ဘုရား ရဟန္တာ အလား မြေကြီးနှင့်တူသော သည်းခံနိုင်ခြင်း မေတ္တာ ထား နိုင်ခြင်း ကား ရှားပါလှပါတယ်ဆရာတော်ဘုရားကြီးနဲ့ပတ်သက်သော အခြားခြားသော သဘာဝလွန် ဖြစ်ရပ် များရှိသော်လည်း ယခုဖြစ်ရပ်ကို အကြည်ညိုဆုံးဖြစ်ပါသည်။
ယခုကား သက်တော် (၉၈) ခန့် ရှိပါပြီ
Credit____ Uaung Khin