Má Jestaun OJE 2025 IX Governu haterus funsionárius iha Natal no Tinan foun foin lalais, 19/01/2026

Описание: Ohin Bancada FRETILIN mai hato’o IDEIA SIMPLES IDA, maibe essencial tebes: katak orçamento labele avalia deit husi nia tamanho, maibe liu-liu hare ba resultado ne’ebe produz ba vida ka moris ema nian.
Orsamento Geral Estado tinan 2025 apresenta volume significativo ida husi recursos publikus. No entanto, iha nia execução revela fragilidade estruturais ne’ebe merese reflesaun ida seria no responsável, karik ita hakarak hatete katak Orsamento ne’e Instrumento Verdadeiro ida ba Desenvolvimento Nasional.
Ba dala uluk, ita hasoru execução ida desequilibrada. Hanesan Despesas ba funcionamento Estado nian – salários, despesas administrativas no custos correntes – nia execução lao lalais los. Hare fali husi parte Investimentos Estruturantes sira, hanesan Transferências Publicas no Programas Económicos ne’ebe precisa atu dinamiza ECONOMIA REAL la’o hakdasak ka neineik tebes. Situasaun ida ne’e cria ka hamosu paradoxo perigoso ida: Estado funciona, maibe desenvolvimento hakdasak hela. Ita executa procedimentos, maibe ita la transforma estruturas. Orsamento kumpre deit formalidades, maibe falha iha mudança estrutural Economia nian.
Senhoras e Senhores Deputados,
Ba dala rua, ita assiste aumento continuo ida husi pressão ba despesa permanente. Tinan ba tinan, hasae peso ba despesas rígidas sira, ita reduz espaço fiscal atu investe ba futuro. Orsamento ida cada vez mais rígido ne’e hanesan orçamento ida cada vez menos ESTRATEGICO.
Tendência ida ne’e representa RISCO SERIO ida ba SUSTENTABILIDADE FISCAL iha MEDIO PRAZO, sobretudo ba PAIS ida ne’ebe sei depende ba receitas voláteis sira ho desafios bo’ot ba diversificação económica.
Ba dala tolu, ita preocupa profundamente ho baixa execução iha transferências publicas. Tranferencias hirak ne’e fundamental tebes hodi apoia famílias vulneráveis sira, estimula economia local, fortalece Municípios sira no hodi reduz desigualdades regionais.
Wainhira verba hirak ne’e la to’o iha kraik ou povo, orçamento ne’e lakon nia impacto social. Estado planeia, maibe, la alcansa to’o iha comunidade sira. No wainhira orçamento la to’o iha ema ka População sira, enfraquece confiança ba iha Instituicao sira.
Senhora Presidente,
Ponto critico seluk mak Investimento Publico Capital, ne’ebe continua lento ka neineik, fragmentado no vulnerável tebes. Projetos ne’ebe atrasa, obras la la’o ho lais, equipamentos sira hein atu adquiri. Investimento Publico ne’ebe tenki hare nu’udar motor ba crescimento económico, transforma fali ba processo burocrático ne’ebe laiha resultado visível.
Wainhira laiha investimento produtivo, sei la iha criação sustentável ba emprego. Nune’e mos laiha infraestruturas, laiha mos competitividade. Wainhira laiha competitividade, laiha diversificação económica. (Sem investimento produtivo, não há criação sustentável de emprego. Sem infraestruturas, não há competitividade. E sem competitividade, não há diversificação económica),
Alem de ne’e, alarmante tebes atu constata iha ne’e katak, apesar volume orçamento ne’e elevado, parte significante ida husi OGE ne’e permanece por executar, katak seidauk executa hotu. Ne’e revela planeamento ne’ebe falha, exemplo mak hanesan iha OGE 2025 tamba ma gestão, halo ema barak terus iha festa natal tamba labele simu sira nia direito tuir lei hatete. Sakrifika vida funsionariu publiku kiik sira tamba deit la hatene gere orsamentu. Lei garante atu ema simu vencimento decimo terceiro no subsídio adisional ba funsionario sira nebe servisu iha area remotas, maibe saida mak akontese? Governo falha hodi hatan ba nia kompromisu politiku, tamba deit má gestão.
Orsamento ida ne’ebe sistematicamente sub-executado lakon nia credibilidade, prejudica previsibilidade económica no desincentiva, katak la fo incentivo ba setor privado sira. Grave liu tan cria frustação iha população, ne’ebe hare no hatene recursos aprova tiha, maibe falha iha materialização.

Senhoras e Senhores Deputados,
Importante atu dehan iha ne’e ho clareza, problema OGE tinan 2025 la’os tanba OSAN MAK LAIHA ka LA TO’O. Problema mak qualidade execução. Ita labele aprova ka halo passa Orsamento ida nebe orientado ba GASTO deit, maibe importante Orsamento ida orientado ba RESULTADO.
Ne’e exige escolha corajosa;
• Hapara Crescimento ba despesa permanente.
• Fo prioridade ba Investimento Público Produtivo
• Hadiak Kapasidade Institucional iha Execução
• Alinha orçamento tuir estratégia clara ba desenvolvimento longo prazo ka tinan naruk nian.

Wainhira ita hakarak honra compromisso ho Povo, ita precisa atu fo garantia katak Cada Dolar ida ne’ebe ita investe, gera impacto real, cria oportunidade, reduz ka hamenus desigualdades no prepara futuro Pais ne’e nian.
Investimento público capital continua lento ka neineik no vulnerável tebes iha execusaun mesmo que ita hare projeto

Muito obrigado,
Viva FRETILIN,
Viva Povo Maubere,
A Luta Continua

Deputada Maria Angelica Rangel da Cruz dos Reis