MOJ GRAD - Zemir Delić

Описание: 21. Festival čakavske šansone „ČAnsonfest – Kastav 2025.“ (video snimka)
MOJ GRAD
(kastavska čakavština)
Zemir Delić / Zemir Delić / Aleksandar Valenčić
Interpret: Zemir Delić

JA I MOJ GRAD VOLIMO SE TAJNO.
NE VIDIMO SE DUGO, MA SE POZNAMO ZAJNO.
ZNAN, IMA VEĆEH I LEPŠEH,
AŠ VIDEL SAN BELI SVET.
MA TA GRAD VAN JE HUNCUT PRAVI:
KAD PRIDEN, ZAME MI ŠEST!

NAMIGUJE MI S PONEŠTRAMI,
NAPUNTA ME NA ŽMUJIĆ,
PA OTPEJA NA STARO MESTO
KADE SAN DOBIL PRVI BUŠIĆ.
MAMI ME Z DIHON KRUHA I PANINA Z MALO PUTRA,
ZASOPE MI ŠKOLI ZVONON,
SPAMETIN SE DAVNEH JUTAR…

I BELI SVET NE MORE MI DAT
SE ONO ČA SPOMENI MORU,
NIGDERE BILO MI NI
TAKO DOBRO KOT ČA JE TU.
CELI SVET NE MORE MI REĆ
SE ONO ČA ĆAKULI MORU
I NIGDERE NEĆE MI BIT
TAKO DOBRO KOT ČA JE TU!

MOJ GRAD I JA VOLIMO SE POTAJNO,
NE VIDIMO SE DUGO PA SE TREFIMO KOT SLUČAJNO.
NE PITAN GA NIŠ, A NI ON MANE, A I ZAČ BI,
AŠ ON VEĆ ZNA SE OD SAKEGA OD NAS
I NIKAD NE POZABI!

GRAD ZNA I PAMETI KAD JE SVET BIL JOŠ VEVEK MLAD,
A NAŠE JUBAVI PRAVE BILE,
O ČEN KANTAMO PJESMI I SAD.
ČUVA NAN SPOMENI I SKUPJA NAS
DOK NAS ŽIVOT BRCA,
A Z BESEDUN TEPLI NAN DUŠU I NE DA
DA SE ZLEDE SRCA.

I BELI SVET NE MORE NAN DAT
SE ONO ČA SPOMENI MORU
I NIGDERE BILO NAN NI
TAKO DOBRO KOT ČA JE TU.
CELI SVET NE MORE NAN REĆ
SE ONO ČA ĆAKULI MORU
I NIGDERE NEĆE NAN BIT
TAKO DOBRO KOT ČA JE TU!

--
© Udruga "Kanat" Kastav i "Grafik" Rijeka, 2025.