FULLSTORY:DALAGA NAG APPLY BILANG SECRETARY NG CEO PARA MAGHIGANTI DITO|THE CEO'S SECRETARY

Описание: TITLE: The CEO'S Secretary (Saavedra Series #2)
PEN NAME: Eshang
GENRE: Light Romance/Action
EDITED BY: RENDEL


CHARACTERS:
Tyron Saavedra
Arizza Feliz Sanchez





"Balita ko ay may pagka-playboy ang lalaking 'yon. Hindi ko lang alam kung totoo, pero mukhang totoo naman," saad ng kaibigan ni Arizza na si Grace.

"Wala akong pakialam kung ano ang tungkol sa kanya. Kung playboy man siya o ano. Kailangang maging maayos ang plano natin para makuha ko ang nais kong makuha," sagot ni Arizza at pinaikot ang kanyang mga mata.

"Nagsasabi lang naman ako. Basta, mag-ingat ka sa lalaking 'yon. Sa magkakapatid na Saavedra, siya ang matinik at mapaglinlang. Magaling mang-uto," saad ni Grace.

Mas lalo lang umikot ang mga mata ni Arizza. Umino siya sa wine na hawak niya. Maarte niya itong binaba pagkatapos. Pinagkrus niya ang kanyang mga hita.

"Mas magaling ako sa kanya. Kung magaling siya. Mas magaling ako. H'wag lang siyang gagawa ng ikagagalit ko. May kalalagyan talaga siya," saad ni Arriza.

"Bahala ka na nga. Bakit ba ako nagsasabi pa sa 'yo? Malaki ka naman na. Alam mo naman na ang mga dapat mong gawin kaya bahala ka na. Basta support lang ako sa 'yo at nakaalalay ako palagi. Ang plano natin ay hindi dapat mabigo." sagot ni Grace sa kanya.

"Inayos mo na ba ang mga resume ko? Sinigurado mo bang kapag nagkalap siya ng impormasyon tungkol sa akin ay hindi ang tunay kong pagkatao?" Nakataas ang kilay na tanong ni Arriza sa kaibigan.

"Oo naman. Ako pa. Kapag pagdating sa ganito, ako talaga ang mapagkakatiwalaan mo diyan kaya h'wag kang mag-a-alala. Hindi niya malalaman ang totoong pagkatao mo." Naniniguradong sagot ni Grace.

Tumango si Arriza at tumayo.

"Bukas din ay mag-a-apply na ako sa kanya. Siguraduhin niyang tatanggapin niya ako."

Napatawa si Grace sa sinabi nito.

"Masyado ka namang paladesisyon. Excited agad," ani nito.

Inirapan siya ni Arriza.

"Subukan niya lang naman na hindi ako tanggapin. May kalalagyan siya sa akin," saad ni Arizza.

Napailing na lang si Grace.

"Ipanalangin mo na sana tanggapin ka. Gamitin mo ang charm mo." Suhestyon ni Grace.

"Kailangang matanggap talaga ako. Kailangan kong makakuha ng mga impormasyon para mapabagsak silang mga Saavedra," mariing saad ni Arizza.

"Hindi madaling mapabagsak ang mga Saavedra. Masyado silang magaling at malinis magtrabaho," saad ni Grace at tumayo para lapitan si Arizza.

"Pero tandaan mo, Arizza. Kailangan natin silang mapabagsak. Kailangang malaman ng lahat kung ano nga ba talaga ang mayroon sa mga Saavedra. Kung ano nga ba ang bahong itinatago nila," mariing bulong ni Grace sa kanya.

Ngumisi si Arizza.

"Don't worry my sister. Ako na ang bahalang maghiganti sa kanila," sagot ni Arizza.

Napangiti si Grace ng marinig ang sinabi ng kanyang kaibigan, hindi lang basta kaibigan dahil kapatid niya rin ito.

"Kung kailangan mo siyang patayin, silang mga Saavedra. Patayin mo, ipaghigante mo ang pamilya natin," bulong muli ni Grace sa kanya sa nakakakilabot na boses pero hindi natakot si Arriza.

Sanay na siya sa kanyang ate.

"Papatayin ko talaga sila. Hindi ako titigil hangga't hindi ko sila napapatay. Kailangan ko munang makakalap ng mga impormasyon at siya ang magiging daan para makakakalap ako," mariing sagot ni Arizza.

"That's my sister. H'wag na h'wag mong hahayaan na matalo lang tayo. H'wag na h'wag kang mahuhulog sa lalaking 'yon."


#tagaloglovestories #kwentongpagibig #inspirationalstories #actionlovestories #comedyromance #romance #comedy #audiobook #tagalogpocketbook #koreandrama #fullstories #uncutfullstories

DISCLAIMER.......

This is a work of fiction. Unless otherwise indicated, all the names, characters, businesses, places, events and incidents in this book are either the product of the author’s imagination or used in a fictitious manner. Any resemblance to actual persons, living or dead, or actual events is purely coincidental.

No parts of this story may be reproduced or distributed in any printed or electronic form without prior permission to Rendel Tagalog Love stories

if you have any concerns please contact me on my fb account

https://www.facebook.com/profile.php?...

happy listening everyone godbless