POTTI CURRY | BEEF INTESTINE CURRY RECIPE | CLEANING & COOKING | തനി നാടൻ പോട്ടി കറി | BOTTI CURRY |

Описание: ഒബ്രോൺ മാളിന്റെ അടുത്തായി ഒരു കടയുണ്ട് ഉണ്ട്, അവിടെ നല്ല അടിപൊളി പുട്ടും പോട്ടി കറിയും കിട്ടും.
എന്നാ രുചി ആണെന്നോ...
ആലോചിക്കുമ്പോൾ തന്നെ വായിൽ വെള്ളം വരും...
പലതവണ ഇത് കഴിക്കാൻ വേണ്ടി മാത്രം പോയിട്ടുണ്ട് ഉണ്ട്,
പലതവണ അതുവഴി പോയപ്പോൾ കയറി കഴിച്ചിട്ടുണ്ട്...
പുട്ടും പൊട്ടി കറിയും, കപ്പയും പോട്ടിയും, പോട്ടി ഫ്രൈ
ഇതൊക്കെ കിടു ഐറ്റങ്ങൾ ആണ്...

പോട്ടി കറി ഇതുവരെ വീട്ടിൽ ഉണ്ടാക്കിയിട്ടില്ല ആദ്യമായാണ് ഉണ്ടാക്കി നോക്കുന്നത്.
രാവിലെ ആറു മണിക്ക് തന്നെ കാഞ്ഞിരമറ്റം പോയി പോട്ടി വാങ്ങാൻ. ക്ലീൻ ചെയ്ത് കിട്ടണമെങ്കിൽ ഉച്ചക്ക് 12 മണി ആകും എന്ന് പറഞ്ഞു, എങ്കിൽ പിന്നെ നമുക്ക് തന്നെ ക്ലീൻ ചെയ്യാം എന്ന് തീരുമാനിച്ച് മൂന്നു കിലോ പോട്ടിയും വാങ്ങി പോന്നു. കൊണ്ടുവന്നു ഒരു എട്ടു പത്ത് പ്രാവശ്യം തന്നെ ആദ്യമേ കഴുകേണ്ടി വന്നു പിന്നെ നല്ല ചൂടുവെള്ളത്തിൽ മഞ്ഞപ്പൊടി ഇട്ട് തിളപ്പിച്ച് അതിലേക്ക് കഴുകിവെച്ച പൊട്ടി മുക്കിയിട്ട്, എടുത്ത് തോല് പൊളിച്ചു തുടങ്ങി. ആദ്യം നല്ല എളുപ്പമായിരുന്നു, പയ്യെ പയ്യെ പാടായി തുടങ്ങി ഏതാണ്ട് രണ്ടുമണിക്കൂർ മേലെ സമയമെടുത്തു ഇതിന്റെ തോല് മൊത്തം കളഞ്ഞു ക്ലീൻ ആക്കി എടുക്കാൻ, വീണ്ടും പലതവണ കഴുകി വൃത്തിയാക്കി. പിന്നീട് ചെറിയ കഷണങ്ങളാക്കി അരിഞ്ഞെടുത്ത അത് വീണ്ടും കഴുകി വൃത്തിയാക്കി.

തോലി കളയലും കഴുകലും വൃത്തിയാക്കലും എല്ലാംകൂടി സമയമെടുത്തു.
പോട്ടി കറി ഉണ്ടാക്കുന്നത് നല്ല കഷ്ടപ്പാടാണ്, പക്ഷേ കഷ്ടപ്പെട്ടാൽ എന്താ നല്ല അടിപൊളി പോട്ടി കറി ഉണ്ടാക്കിയെടുത്തു.

പോട്ടി വൃത്തിയാക്കി കഴിഞ്ഞ് സവാള, പച്ചമുളക്, ഇഞ്ചി, വെളുത്തുള്ളി, തക്കാളി എല്ലാം അരിഞ്ഞെടുത്തു. ഇനി നമുക്ക് പോട്ടി കറി ഉണ്ടാക്കിയെടുക്കാം. കുറച്ചു വെളിച്ചെണ്ണ ഒഴിച്ച് സവാളയും പച്ചമുളകും ഇട്ടു, സവാള പെട്ടെന്ന് വഴണ്ടു വരാൻ കുറച്ച് ഉപ്പു ചേർത്തു, സവാള വഴണ്ടു കഴിഞ്ഞപ്പോൾ ചതച്ചു വെച്ച ഇഞ്ചിയും വെളുത്തുള്ളിയും ചേർത്ത് മൂപ്പിച്ചു. എന്നിട്ട് ആവശ്യത്തിന് മുളകുപൊടി, മഞ്ഞൾപ്പൊടി, ഗരം മസാല, മല്ലിപ്പൊടി, മീറ്റ് മസാല, ഏറ്റവും പ്രധാനം കുരുമുളകുപൊടി. എല്ലാം കൂടി ചേർത്ത് നല്ലോണം മൂപ്പിച്ചെടുത്ത് എന്നിട്ട് അതിലേക്ക് തക്കാളി അരിഞ്ഞത് ചേർത്ത് വഴറ്റി മസാല റെഡി 😋😋😋

തയ്യാറാക്കിവെച്ച മസാലയിലേക്ക് അരിഞ്ഞുവെച്ച പോട്ടി ഇട്ടു നല്ലോണം ഇളക്കിമറിച്ചു. കുറച്ചു കുരുമുളകു തൂകി കൊടുത്തു കൂടെ കുറച്ച് കറിവേപ്പിലയും എന്നിട്ട് മൂടി വേവിക്കാൻ വെച്ചു. പിന്നെ തുറന്നു നോക്കിയപ്പോൾ പോട്ടിയിൽ നിന്ന് നല്ലോണം വെള്ളം വന്നു, അത് അടച്ചുവെച്ച് വറ്റിച്ച് എടുത്തു എന്നിട്ടും പൊട്ടി വെന്തിട്ടില്ല. വീണ്ടും ആവശ്യത്തിന് വെള്ളം ഒഴിച്ച് അടച്ചുവെച്ച് നല്ലോണം വേവിച്ച് എടുത്തു, രണ്ടു മണിക്കൂറിനു മേലെ അടുപ്പത്തുവെച്ച് വേവിച്ചെടുത്ത പോട്ടി കറി റെഡി, അവസാനത്തെ മിനുക്കു പണിയായി കുറച്ചു കൂടി കുരുമുളകും കറിവേപ്പിലയും ചേർത്ത് ഇളക്കി അടുപ്പത്ത് നിന്നും പോട്ടി കറി ഇറക്കി.

വീട്ടിൽ അമ്മയെക്കൊണ്ട് നല്ല പുട്ട് ഉണ്ടാക്കിച്ചു, അടിപൊളി അരിപ്പുട്ട്, നല്ലോണം തേങ്ങാ പീര ഒക്കെ ചേർത്തു റെഡി ആക്കിയ അടിപൊളി പുട്ട്.

അങ്ങനെ ഞങ്ങൾ പുട്ടും കൂട്ടി പോട്ടി കറി ഒരു പിടി പിടിച്ചു...

യാ മോനേ....
പൊളി....

വീഡിയോ ഇഷ്ടപ്പെട്ടെങ്കിൽ തീർച്ചയായും വീഡിയോ ലൈക് ചെയ്യുക, ചാനൽ സബ്സ്ക്രൈബ് ചെയ്യുക, അപ്പോൾ അടുത്ത വീഡിയോയിൽ ഇതിലും കിടുക്കാച്ചി വിഭവം ആയിട്ട് നമുക്ക് വീണ്ടും കാണാം...

ചാനൽ സബ്സ്ക്രൈബ് ചെയ്യാൻ മറക്കല്ലേ...