Blero rrëfen emocionet e martesës së tij të tretë, si u njoh me Eronitën

Описание: Ai është një nga emrat më të njohur të muzikës shqiptare me një karrierë shumë të gjatë dhe të pasur, me hite që i kanë rezistuar kohës. Që prej fillimeve të viteve 2000 këngëtari Blero Muharremi duket se ka lënë gjumë në muzikë me këngët shumë të pëlqyera.

Gjithashtu në karrierën e tij muzikore nuk kanë munguar shumë bashkëpunime me artistë të njohur.  Përveç  muzikës, Blero i është dedikuar edhe pasionit të tij për futbollin, duke u bërë menaxher për talentet e rinj në këtë sport.

Sa i takon jetës së tij personale, në janar të këtij viti ai është lidhur në martesë me make-up artisten e re Eronitën, në një ceremoni martesore shumë të bukur. Emocionet e asaj nate madhështore, Blero Muharremi i rrëfen pasditen e kësaj të enjteje në studion e emisionit “Rudina” në Tv Klan.

Rudina Magjistari: Si ishte dasma, si u ndjeve? Si e përjetove atë moment?

Blero Muharremi: Ka qenë një ditë shumë e veçantë për mua, një moment shumë i veçantë edhe për Eronitën. Do të jetë shumë e veçantë në shpirtin time dhe jam shumë i lumtur që Eronitën do ta kem për krah. E kam si shoqe, e kam si mike të jetës sime, që mi kupton dhe ia kuptoj të gjitha gjërat. Jam shumë falenderues për edukatën e saj dhe për familjen që ka.

Rudina Magjistari: Si u njohët?

Blero Muharremi: Të jem i sinqertë ka qenë shumë rastësi. Eronita më ka shkruar në WhatsApp, por unë nuk e dija se kush ishte. Kishte shkruar për dikë tjetër që të ishte vetëm një shaka, që të më dëgjonte zërin dikush tjetër, njo ajo. Më pas më shkroi, më tha “ më fal se ishte gabim” dhe aty filloi gjithçka.

Rudina Magjistari: Filloi nga biseda pra, ajo shkëndija telefonike?

Blero Muharremi: Po, sigurisht ne kishim biseda telefonike. Por, për 3-4 muaj nuk jemi dëgjuar fare. Një ditë të bukur e pashë rastësisht në WhatsApp dhe thashë “hmm kjo vajza misterioze”. I shkrova normalisht që ma ktheu dhe më pas thamë pse mos të takoheshim të hanim një darkë. Ishte shumë spontane. Që në momentin e parë kemi kaluar aq mirë, jam ndjerë shumë mirë dhe atje ka vazhduar gjithçka.
Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale.

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Rudina #RudinaMagjistari #TVKlan