Tv Klan-Kapet autori i vrasjes së policit në Lezhë

Описание: Pas 5 orësh kërkime ne lagunë, policia neutralizoi 21-vjeçarin Aldi Rama, që mëngjesin e së martës vrau policin Saimir Hoxha në ishull-Lezhë. Ai u gjet vetëm 1 kilometër nga vendi i krimit, në Lagunën e Vainit, pasi shtiu me armë në drejtim të një helikopteri që po monitoronte zonën.

Pasi e rrethuan, forcat e policisë i kërkuan disa herë Aldi Ramës të dorëzohej, por 21-vjeçari nuk pranoi te dorëzohej. I gjendur ne mes te rrethimit nga forcat speciale ai tentoi të vriste veten me armën e krimit, duke mbetur i plagosur rëndë.

Ky është momenti kur Aldi Rama mbërrin në Urgjencën e Spitalit të Lezhës në gjendje të rëndë për jetën. Më pas ai është transportuar drejt spitalit të Traumës në Tiranë.

Aldi Rama qëlloi fatalisht mbi efektivin e policisë Saimir Hoxha, pasi ky i fundit së bashku me kolegët e tij e ndaluan makinën e 21-vjeçarit për një kontroll nisur nga dyshimi se kishte targa te vjedhura. Ishte ora 10.30 e së martës kur 44-vjeçari, me detyre oficer i Krimeve në Policinë e Lezhës, po patrullonte në zonën e Kune-Vainit për kultivim kanabisi. Sapo efektivët iu afruan makinës së autorit, ai hapi zjarr. 2 prej plumbave e goditën në zemër policin Hoxha. Ai ndërroi jetë teksa transportohej për në spitalin e Lezhës.

Sapo e qëlloi, i riu u largua nga vendngjarja, duke e braktisur makinën e tij tip Volsvagen vetëm 1 kilometër me tutje. Është e paqarte se perse ai ndodhej i armatosur ne zone, por dyshohet se mund te ishte i angazhuar ne ruajtjen e parcelave te mundshme te kanabisit.

Më herët 21-vjeçari ishte dënuar për posedim të lëndëve narkotike në vitin 2018 dhe mbajtje të armëve të ftohta në 2020. Aktualisht vuante denimin me shërbim prove. Ndërsa efektivi Saimir Hoxha punonte prej vitesh ne policinë e Lezhës. Ai ishte baba i dy fëmijëve dhe kishte shërbyer në disa sektorë në radhët e uniformave blu. Se fundi ishte pjese e një grupi kundër kultivimit të kanabisit.

Tv Klan

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/