ఎన్ని ఎకరాలైనా గంటల్లోనే Spraying చేసేయొచ్చు | Drone in Farming | RNF

Описание: #raitunestham #agriculture #farming #farmertraining #health #food ‪@Raitunestham‬

వ్యవసాయంలో చీడ పీడల నివారణ అత్యంత సంక్లిష్టమైనది. పంటకు నష్టం చేసే చీడపీడలను సకాలంలో గుర్తించి.... ద్రావణాలను పిచికారీ చేస్తేనే వ్యవసాయంలో కష్టానికి తగిన ఫలితం దక్కుతుంది. అయితే కూలీల కొరత… పిచికారీ నిర్వహణను కష్టతరంగా మార్చేశాయి. సమయానికి కూలీలు లభించక... అనుకున్న వేళకు స్ప్రేయింగ్ పూర్తవక రైతులు నష్టాల పాలవుతున్నారు. ఈ సమస్యను అధిగమించి... సేద్యం సజావుగా సాగిపోవాలంటే... వ్యవసాయంలో యాంత్రీకరణ ఉత్తమ మార్గం. వ్యవసాయంలో వివిధ రకాల పనులకి అనేక రకాల ఆధునిక యంత్రాలు అందుబాటులోకి వచ్చాయి. ముఖ్యంగా పంటల పిచికారీకి వ్యవసాయ డ్రోన్లు చాలా బాగా ఉపయోగపడుతున్నాయి. ఇంతకముందు మనుషులతో ఒక రోజు అయ్యే పని... ఇప్పుడు డ్రోన్లతో గంటల్లోనే సమర్థవంతంగా పూర్తవుతోంది. ....

రైతులకి ఎంతో ఉపయోగకరమైన ఈ డ్రోన్ టెక్నాలజీపై కర్షక మిత్రులందరికీ అవగాహన కల్పించాలని సంకల్పించింది రైతునేస్తం ఫౌండేషన్. ఇందులో భాగంగా... వ్యవసాయంలో డ్రోన్ల వినియోగం.. తద్వారా కలిగే ప్రయోజనాలను క్షేత్రస్థాయిలో వివరిస్తోంది. ఈ క్రమంలో... గుంటూరు జిల్లా వట్టిచెరుకూరు మండలం కొర్నెపాడులోని రైతునేస్తం ఫౌండేషన్ ను సందర్శించిన వడ్లమూడి విజ్ఞాన్ విశ్వవిద్యాలయం వ్యవసాయ విద్యార్థులకు.... డ్రోన్ టెక్నాలజీపై సమగ్ర అవగాహన కల్పించింది. డ్రోన్ టెక్నాలజీ.. పంటల పిచికారీ.. ఆపరేట్ చేసే విధానం.. తదితర అంశాలను విద్యార్థలకు వివరించారు. కార్యక్రమంలో రైతునేస్తం ఫౌండేషన్ ఛైర్మన్ డాక్టర్ యడ్లపల్లి వేంకటేశ్వరావు... విజ్ఞాన్ విశ్వవిద్యాలయం అసిస్టెంట్ ప్రొఫెసర్లు డాక్టర్ ఎల్. గీతాంజలి, డాక్టర్ శ్రీనివాస్, టీచింగ్ కమ్ రీసెర్చ్ అసిస్టెంట్ కే. తేజశ్రీ మరియు వ్యవసాయ శాఖ విశ్రాంత అడిషనల్ డైరెక్టర్ కే. రామచంద్రం పాల్గొన్నారు.......

క్షేత్రస్థాయి సందర్శనలో భాగంగా.. రైతునేస్తం ఫౌండేషన్ లో ఏర్పాటు చేసిన గోశాల, వర్మికంపోస్ట్ యూనిట్, ఘన జీవామృతం తయారీ విధానం, ఎద్దు గానుగతో నూనె తీసే ప్రక్రియ మరియు బహుళ అంచెల సాగు విధానం తదితర వ్యవసాయ, ఆహార ఉత్పత్తి యూనిట్లను విద్యార్థులకు ప్రత్యక్షంగా పరిశీలించారు. వాటి నిర్వహణ మెళకువలు తెలుసుకున్నారు. రైతునేస్తం ఫౌండేషన్ ను సందర్శించి... వ్యవసాయం మరియు అనుబంధ రంగాల గురించి అనేక విషయాలు నేర్చుకున్నామని విద్యార్థులు తెలిపారు. ముఖ్యంగా వ్యవసాయంలో డ్రోన్ వినియోగం గురించి తెలుసుకున్నామని పేర్కొన్నారు......

------------------------------------------------------------------------------
☛ Subscribe for latest Videos -   • ఎన్ని ఎకరాలైనా గంటల్లోనే Spraying చేసేయొచ్...  
☛ For latest updates on Agriculture -http://www.rythunestham.in/​​​​​​
☛ Follow us on -   / rytunestham​.  .
☛ Follow us on -   / rythunestham