Twasuye kwa Agatha Kanziga & Protais Zigiranyirazo|Habaye amatongo| Inzoka n'amabombe

Описание: #Agatha #Habyarimana #Gasiza

Ufite inkuru, ushaka guduha ibitekerezo cyangwa kudutera inkunga watwandikira cg ukaduhamagara kuri #0787413970


Abantu batandukanye mwashimye inkuru twakoze dusura urugo rwa Juvenal Habyarimana, wabaye Perezida w'u Rwanda kuva mu 1973 kugeza mu 1994.

Ni urugo ruherereye mu #Gasiza, mu cyahoze ari Perefecture ya Gisenyi, ubu ni mu Karere ka Nyabihu, intara y'Iburengerazuba.

Mu gasiza ahazwi nk'Irambura niho umufasha we Agatha #Kanziga waje kongerwa izina rya Habyarimana nyuma yaho bashakanye nk'umugabo n'umugore, nawe niho avuka.

Agatha yavukiye muri commune yahoze yitwa Giciye tariki ya 01 Ugushyingo 1942.

Ise yitwaga Gervais #Magera wari umutunzi afite inka n’imirima myinshi, akanakora ubushabitsi bw’imyenda ayivanye mu mahanga.

Agatha Kanziga avuga ko se yanacuruje ibirayi n'amashyaza abijyana i Butare, ubu ni mu karere ka Huye mu majyepfo y' u Rwanda.

Kanziga bivugwa ko mu 1962 amaze kugira imyaka 20, ari bwo yahuye na Juvenal Habyarimana we wari ufite imyaka 25 akanagira ipeti rya Sous-Lieutenant mu gisirikare, bagakundana nyuma y’umwaka umwe tariki ya 17 Kanama, 1963 bakabana.

Aba bombi babyaranye abana umunani.

Inyandiko n'inkuru z'ibinyamakuru bitandukange birimo IGIHE zigaragaza ko Agatha Kanziga Habyarimana yabaye umwe mu bari ku ruhembe rw’abagize Akazu karimo abacurabwenge ba Jenoside yakorewe Abatutsi mu 1994.

Twasuye iwabo ku ivuko, aho na Musaza we Protais Zigirangirazo wari Perefe wa Prefecture ya Ruhengeri yari atuye.

Usibye urugo rwa Habyarimana ubona ko inzu igihagaze, Kwa Sebukwe Gervais Magera ho habaye amatongo, ni imirima dusanze ihinzemo ibigori, igice kimwe kirimo gukorerwamo ubworozi.

Liberata Nyirabarihafi wari umuturanyi wa hafi ya Habyarimana, akaba amuzi kuva na kera, azi iby'umuryango wa Agatha Kanziga na niwe udufasha gusura aha iwabo kwa Agatha na Protasi, musaza we.

Mbahaye ikaze, nitwa Germain Nsanzimana