Podlediad Sôn am Sgwennu: Holi Annes Glyn

Описание: Croeso i ‘Sôn am Sgwennu’, adnodd gan Dr Llion Pryderi Roberts, Ysgol y Gymraeg, Prifysgol Caerdydd, sy’n cyflwyno cyfres o drafodaethau am ysgrifennu creadigol cyfoes.

Gwahoddwyd ystod o awduron amlwg a phrofiadol yn y sin lenyddol Gymraeg i rannu eu harbenigedd, eu cynghorion a’u profiad.

Y prif lenor a’r bardd Annes Glynn sy'n ymuno â'r podlediad y tro hwn. Mi enillodd y Fedal Ryddiaith yn Eisteddfod Genedlaethol Casnewydd yn 2004
am gyfrol o lên micro, Symudliw, ynghyd ag ennill sawl gwobr arall am ei gwaith. Fe gyhoeddodd nofel, Canu’n y Co’, yn 2013, a’i chyfrol gyntaf o farddoniaeth, Hel Hadau Gwawn, yn 2017. Mae’n fardd sy’n canu’n rhydd ac ar fesurau’r gynghanedd. Mi fu’n aelod o dîm ‘Yr Howgets’ ar y rhaglen Y Talwrn, ac yn feirniad cystadleuaeth Llyfr y Flwyddyn yn 2015, ac mae’n englyna’n gyson drwy gyfrwng Twitter [X bellach] y dyddiau hyn.

Mae cyfres o 4 sgwrs yn rhan o bodlediad ‘Sôn am Sgwennu’ – sef sgyrsiau sy’n canolbwyntio ar y broses ymarferol o ysgrifennu ac ar agweddau perthnasol i’w gwaith ac i astudio’r maes. Y tri arall yw Caryl Lewis, Ifor ap Glyn a Llŷr Gwyn Lewis.

Mae dogfen i bob recordiad sy’n nodi’r cwestiynau a ofynnwyd ac sy’n nodi’n fras y codau amser perthnasol ar gyfer pob cwestiwn (fel bod modd gwrando ar y recordiad o’i gwr neu symud o un cwestiwn i’r llall). Ar gael ar Borth Adnoddau'r Coleg Cymraeg Cenedlaethol: https://www.porth.ac.uk/cy/collection...

Mae'r Porth Adnoddau hefyd yn cynnwys 8 ysgrif sy'n rhan o'r adnodd.

Adnodd ar gyfer myfyrwyr Addysg Uwch yn bennaf yw ‘Sôn am Sgwennu’, ond gall fod yn berthnasol i ddisgyblion UG a Safon Uwch, athrawon, ac unrhyw un sy’n ymddiddori ym maes ysgrifennu creadigol. Dyfarnwyd nawdd ar gyfer yr adnodd hwn drwy gyfrwng cynllun Grantiau Bach y Coleg Cymraeg Cenedlaethol. Hoffai Dr Llion Pryderi Roberts, ddiolch i’r Coleg, i’r holl awduron am eu parodrwydd i gymryd rhan yn y prosiect ac i’w gydweithwyr yn Ysgol y Gymraeg, Prifysgol Caerdydd am eu cymorth parod.