Top Channel/ Alarm ne AziL Kina shënjestron firmat japoneze, Tokio zhvendos raketa pranë Tajvanit!

Описание: Kina ka shënjestruar me masa të rrepta 40 kompani dhe subjekte japoneze, duke i akuzuar se po kontribuojnë në rritjen e kapaciteteve ushtarake të Japonisë. Ministria kineze e Tregtisë kufizoi eksportet drejt 20 njësive japoneze, përfshirë disa kompani të konglomeratit Mitsubishi dhe agjencinë hapësinore japoneze, duke përmendur shqetësime për sigurinë kombëtare. Nga 24 shkurti, eksportuesit kinezë nuk do të lejohen të shesin në Japoni mallra të ashtuquajtura “me përdorim të dyfishtë”, produkte që, sipas qeverisë kineze, mund të përdoren edhe për qëllime ushtarake. Edhe pse ekini kishte njoftuar që në janar një ndalim të gjerë të eksportit të mallrave me përdorim të dyfishtë drejt Japonisë, masa e së martës godet në mënyrë të veçantë dhjetëra kompani të mëdha japoneze. Disa prej aksioneve të tyre pësuan rënie në Bursën e Tokios, ndërsa jeni u dobësua me 0.4%, duke arritur në 155.27 për një dollar amerikan. Paskësaj, të ashtëquajturës “listë mbikëqyrjeje”, iu shtuan edhe 20 kompani të tjera, që do t`i nënshtrohen kontrolleve më të rrepta mbi mallrat e eksportuara. “Masat e mësipërme synojnë të frenojnë ‘rimilitarizimin’ e Japonisë dhe ambiciet e saj bërthamore dhe janë plotësisht legjitime, të arsyeshme dhe të ligjshme”, thuhet në deklaratën e Ministrisë së Tregtisë. Këto masa vijnë në kohën kur Japonia pohoi se po përgatitet për të vendosur raketa tokë-ajër në ishullin e saj të largët perëndimor pranë Tajvanit deri në mars të vitit 2031. Kjo është hera e parë që Japonia përcakton një afat kohor për vendosjen e raketave në ishullin Yonaguni, që nga shpallja e planit në vitin 2022. Yonaguni është i dukshëm nga brigjet e Tajvanit në ditë me mot të kthjellët dhe ndodhet vetëm 110 kilometra larg. Tensionet mes Tokios dhe Pekinit janë rritur që nga nëntori, kur kryeministrja japoneze Sanae Takaichi la të kuptohej se Japonia do të aktivizonte forcat e saj të vetëmbrojtjes në rast të një sulmi ndaj Tajvanit.

Pamjet: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Kina#Japonia#TopChannelNews