მოსკოვში არალეგალი ბანკირები დააკავეს

Описание: მოსკოვში არალეგალური საბანკო ოპერაციებისთვის კრიმინალთა ჯგუფი დააკავეს, რომელთაც 2012-2015 წლებში ოპერირების დროს 10 მილიარდზე მეტი რუსული რუბლის მოცულობის ჩრდილოვანი ფინანსური ტრანზაქციები განახორციელეს.

ინფორმაციას სააგენტო "ინტერფაქსი" რუსეთის შინაგან საქმეთა სამინისტროზე დაყრდობით ავრცელებს. არალეგალური მოღვაწეობით კრიმინალებმა 400 მილიონი რუბლის მოგება ნახეს.

ჩხრეკისას ამოღებულ იქნა “ბანკი-კლიენტის” გასაღები, ფიქტიური ორგანიზაციების დოკუმენტაცია, ოთხი ავტომობილი, საიდანაც ორი ინკასატორის ბრონირებული ავტომობილია. საერთო ჯამში ავტომანქანებში, 57 მილიონი რუბლის ეკვივალენტის, სხვადასხვა უცხოური ვალუტა ამოიღეს.

უკანონო ფინანსური მოქმედების შემსწავლელი და ადვოკატირების საერთაშორისო ორგანიზაცია, "გლობალ ფაინენშალ ინტეგრიტის" მონაცემებით, 2010-2012 წლებში რუსეთიდან უკანონო გზით 140 მილიარდი დოლარის მოცულობის კაპიტალი გაიტანეს.