Petite Suite - Claude Debussy - Arundo Donax Ensemble

Описание: Debussy escribe esta exquisita obra, de aparencia sinxela, mais absolutamente manufacturada mediante o detalle e a calidade. Aínda que foi concebida como unha obra para piano a 4 mans, posteriormente popularizouse con éxito a versión orquestral realizada por Henri Büsser.

Arundo Donax Ensemble decide programar esta música para profundizarse na sonoridade impresionista e na linguaxe de matices e cores do son, mostrando así as posibilidades sonoras dos instrumentos de vento madeira, tanto na súa ampla gama de matices e densidades, como na riqueza tímbrica dos seus instrumentos para afrontar un estilo tan colorista como é o impresionismo.

A obra complétase nos seguintes 4 andamentos ou pezas, que se desenvolven sobre unha base de danza:

0:00 I. En bateau
3:17 II. Cortège
6:09 III. Menuet
8:55 IV. Ballet

Arundo Donax Ensemble pechou o XVIII Certame Galego de Bandas de Música, un evento desenvolvido grazas ao apoio da Xunta de Galicia, do Concello de Pontevedra e da Deputación de Pontevedra.

ℹ️ Arundo Donax Ensemble
Arundo Donax Ensemble é unha formación profesional de vento madeira que aposta por unha música de cámara rigorosa, versátil e en constante evolución. Reúne a 22 músicos nun modelo de traballo colaborativo que favorece a excelencia interpretativa e a creación dun son colectivo propio, baixo a dirección musical de David Fiuza.

A súa actividade abrangue concertos, pequenos ciclos e proxectos divulgativos que difunden un repertorio variado —do clásico ao contemporáneo— acompañado de arranxos e creacións actuais elaboradas para a agrupación. Co seu amplo instrumentarium, Arundo Donax Ensemble contribúe activamente á vida musical da provincia e inspira ás novas xeracións a través da colaboración entre institucións, conservatorios e bandas.

👇👇 SOCIAL Arundo Donax Ensemble:
Instagram ➤   / ensemblearundodonax  
Facebook ➤ https://www.facebook.com/profile.php?...

👇👇SOCIAL Federación:
Web ➤ https://www.bandas.gal
Instagram ➤   / fgbmp  
Facebook ➤   / fgbmp