Аҧсны Ахада Б. Гәынба Очамчыра, Тҟәарчал, Кәтол, Гәдоуҭа азыҟаҵарақәа ирылахәу архәҭақәа дырҭааит

Описание: Ар ркомандаҟаҵаҩ хада, Аҧсны Ахада Бадра Гәынба Очамчыра ,Тҟәарчал, Кәтол , Гәдоуҭа азыҟаҵарақәа ирылахәу архәҭақәа дырҭааит вертолиотла . Раҧхьаӡа Тҟәарчал итәеит. Атәыла Ахада ицын Атәылахьчара аминистр Владимир Ануеи, Арбџьармчқәа рыштаб хада аиҳабы Владимир Савченкои , Ашәарҭадаратә хеилак амаӡаныҟәгаҩ Рауль Лолуеи. Атәыла ахада иазгәеиҭеит, ҳаамҭазтәи аибашьратә ҭагылазаашьа азгәаҭаны, арратә зыҟаҵара аҩаӡара ашьҭыхра шаҭаху . Иахьатәи азыҟаҵарақәа рҽеихшаны ирылахәын Аҧсуа телехәаҧшра аҭыхратә гәыҧқәа . Ажәабжь иацылҵоит Фатима Гьергьиаҧҳа .