နမ့်ဆန်နဲ့ နမ္မတူမြို့ကို စစ်တပ် ဗုံးထပ်ကြဲ | People's Spring

Описание: နမ့်ဆန်နဲ့ နမ္မတူမြို့ကို စစ်တပ် ဗုံးထပ်ကြဲ

အောက်တိုဘာ-၁၇၊ ၂၀၂၅။ People's Spring

ရှမ်းပြည်နယ်မြောက်ပိုင်းမှာ တအာင်းတပ်မတော်(TNLA)ထိန်းချုပ်ထားတဲ့ နမ့်ဆန်နဲ့ နမ္မတူမြို့ကို ဒီနေ့ မနက်ပိုင်းမှာ စစ်ကောင်စီတပ်က ဗုံးထပ်ကြဲသွားပါတယ်။

နမ့်ဆန်မြို့ ဟိုမိန်းကျေးရွာနဲ့ နမ္မတူမြို့ကို မနက် ၈နာရီ၁၅မိနစ်မှာ ဂျက်ဖိုက်တာနဲ့ဗုံးကြဲတာလို့ TNLAက သတင်းထုတ်ပြန်ထားပါတယ်။

အရပ်သားထိခိုက်သေဆုံးမှုရှိတယ်လို့ ဒေသခံတချို့က ပြောပေမဲ့ ဖုန်းလိုင်းဆက်သွယ်ရေးအခက်အခဲကြောင့် အသေးစိတ်မသိရသေးပါဘူး။

နမ့်ဆန်မြို့ကို အောက်တိုဘာ ၄ရက်၊ အောက်တိုဘာ ၁၃ရက်နဲ့ အောက်တိုဘာ ၁၄ရက်တွေကလည်း စစ်ကောင်စီက ဗုံးကြဲခဲ့လို့ ရှစ်တန်းကျောင်းသူတစ်ဦးအပါအဝင် ကလေး ၄ဦး သေဆုံးပြီး ၈ဦးထက်မနည်းဒဏ်ရာရခဲ့ပါတယ်။

စစ်ကောင်စီက ကျောက်မဲမြို့ကို အောက်တိုဘာ ၁ရက်က ပြန်လည်သိမ်းယူပြီးတဲ့နောက်ပိုင်း TNLA ထိန်းချုပ်မြို့နယ်တွေကို ဗုံးဆက်တိုက်ကြဲနေပါတယ်။ သီပေါမြို့ကိုလည်း စစ်ကောင်စီစစ်ကြောင်းတွေဝင်ရောက်နေပြီး မနေ့ညနေကအထိ တိုက်ပွဲတွေပြင်းထန်ခဲ့ပါတယ်။

ပြီးခဲ့တဲ့အောက်တိုဘာ ၂ရက်ကလည်း နမ္မတူမြို့၊ ရပ်ကွက် ၈ကို လေကြောင်းကနေ ဗုံးကြဲလို့ အရပ်သား၃သေဆုံးခဲ့ပါတယ်။

ဒီနေ့မနက်ပိုင်းမှာ မိုးကုတ်မြို့အပေါ် တိုက်လေယာဉ်ပျံဝဲခဲ့သလို မနေ့ကလည်း မိုးကုတ်မြို့နဲ့ မိုးမိတ်မြို့ကို စစ်ကောင်စီက ဗုံးကြဲလို့ အရပ်သားတချို့ဒဏ်ရာရပြီး အဆောက်အအုံတချို့ပျက်စီးခဲ့ပါတယ်။

စစ်ကောင်စီတပ်က လေကြောင်း၊ လက်နက်ကြီး၊ ဒရုန်းနဲ့ မြေပြင်စစ်ကြောင်းအင်အားတွေသုံးပြီး ဒေသအနှံ့မှာ အရပ်သားတွေကို ပစ်မှတ်ထားတိုက်ခိုက်နေလို့ လုံခြုံရေးသတိပြုကြဖို့ TNLAက ထုတ်ပြန်ထားပါတယ်။

#ludunwayoo #လူထုနွေဦး #NewsUpdate

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 -   / ludunwayoo  
𝗧𝗲𝗹𝗲𝗴𝗿𝗮𝗺 - https://t.me/peoplespring