DD News Mizoram Chanchinthar | 7 December 2025 | 6:30 PM

Описание: Mizoram chhung leh ram hrang hrang a thil thleng te :

Lai Autonomous District Council (LADC), MDC inthlanpui vawi 12-na a vote tla te December 9 a chhiar tura inpuahchahna kal zelah vawiin khan Lawngtlai DC Conference Hall-ah Counting Official te'n training an nei.

Bible Society of India ruahmanna siam angin vawiin khan Kohhran hrang hrangah Bible Sunday pual inkhawm neih a ni.

Mizorama BCM kohhran hrang hrangte chuan vawiin khan Sunday School kum tawp exam an nei.

Aizawl Municipal Corporation (AMC) ngen angin Aizawl veng hrang hrangte chuan kawn leh kawtthler cheimawi hna ngawrh takin an kalpui.

PHE Department, Kolasib WATSAN Division chuan AMRUT scheme atanga Kolasib mipuite chawmna tui pipeline hlui thlak hna an thawk mek.

Art & Culture Department hnuaia Tribal Research Institute (TRI) chuan kum 1975 atanga kumin October thla thleng khan lehkhabu 98 an tichhuak tawh.

Syed Mushtaq Ali Trophy (Plate Group) final nimina Pune-a khelhah Mizoram chuan Sikkim hnehin an champion.

Khualzin te'n harsatna an tawh chhawk zangkhai nan Northeast Frontier Railyway (NFR) chuan Sairang leh Guwahati rail tlanah Coach pahnih an dah belh.


National 6:30pm

1. Prime Minister Narendra Modi chuan khawvel dawhsanah India in dinhmun sang a chelh chhunzawm zel thu a sawi.

2. Nizana North Goa, Arpora-a gas cylinder puak avanga kangmei chhuakah mi 25 in nunna an chan.

3. India chuan United Nations General Assembly rawtna, Palestine raltlante tana UN Relief and Works Agency (UNRWA) hnathawh kum thum dang atana pawhseina a thlawp.

4. International Federation of Association Football (FIFA) chuan 2026 World Cup-a inkhelh dan tur match schedule kimchang a chhuah.

5. Prime Minister Narendra Modi chuan naktuk khian India hnam hla Vande Mataram kum 150 tlin lawmna puala sawihona hun a kaihruai dawn.

6. Ram hruaitu luten vawiin Armed Forces Flag Day pualin ram sipaite duhsakna an hlan.

7. Defence Minister Rajnath Singh an Border Roads Organisation (BRO) hmasawnna hnathawh engemawzat leh Leh-a Shyok leiverh a hawng.

8. Bhartiya Janata Party (BJP) chuan Congress Party chu Prime Minister hlui Jawahar Lal Nehru hmingthatna humhim a tum luata hruaitu dangte dah hniamah a puh.

9. Indian Air Force Group Captain Shubhanshu Shukla an khawvel hmasawnna atana Artificial Intelligence(AI) in dinhmun pawimawh a chelh thu a sawi.


Follow DD Mizoram:
  / ddnewsmizoram  
  / ddnews_mizoram  
  / ddnewsmizoram