Har Durood Aur Har Salam-Sachey Bhai

Описание: ہر درود اور ہر سلام
مادرِ حُسین تیرے نام

زوجہِ علیِ سر بلند
فاطمہ عظیم ارجُمند
جس کے آستانِ پاک کے
قُدسیانِ عرش ہیں غلام
ہر درود اور ۔۔۔

ہے وہ فاطمہ وہ فاطمہ
آرزوئے قلبِ مُصطفٰی
جس کے لاڈلے حسن حُسین
جس کی بیٹیاں فلک مقام
ہر درود اور ۔۔۔

کٹ رہا تھا فرطِ شاہِ دیں
چل رہا تھا خنجرِ لعیں
بی بی آپ دیکھتی رہیں
مٹ گئے حرم جلے خیام
ہر درود اور ۔۔۔

ہر درود اور سلام
خواہرِ حُسین تیرے نام

ثانیِ جنابِ سیدہ
اللہ اللہ تیرا حوصلہ
خوب کی حفاظتِ حرم
بعدِ قتلِ سیدِ انعام
ہر درود اور ۔۔۔

بی بی غم اُٹھائے ہیں بہت
دل پہ داغ کھائے ہیں بہت
تُجھ پہ اے حُسین کی بہن
ہو گئیں مصیبتیں تمام
ہر درود اور ۔۔۔

کربلا میں اپنے دلرُبا
کر دیئے حُسین پر فدا
عون اور محمدِ جری
ہو گئے شہیدِ تشنہ کام
ہر درود اور ۔۔۔

دولتِ بتول لُٹ گئی
دُخترِ رسول لُٹ گئی
چھن گئی سروں سے چادریں
جل گئے حُسین کے خیام
ہر درود اور ۔۔۔

مَیتیں پڑی ہیں بے کفن
کیا کرے حُسین کی بہن
بے کسی اور ایسی بے کسی
شام اور کربلا کی شام
ہر درود اور ۔۔۔

انقلابِ وقت دیکھیے
امتحانِ سخت دیکھیے
سر کُھلے رسول زادیاں
اور اہلِ شر کا اجتماع
ہر درود اور ۔۔۔

ہر درود اور سلام
دُخترِ حُسین تیرے نام

شمر کبریائ کا واسطہ
تُجھ کو مُصطفٰی کا واسطہ
بنتِ شاہ کے گوہر نہ چھین
مبتلائے غم ہے تشنہ کام
ہر درود اور ۔۔۔

شمر کے تماچے کھائے ہیں
بی بی کتنے غم اُٹھائے ہیں
باپ کی جُدائی کم نہ تھی
تُجھ پہ قید کے ستم ختم
ہر درود اور ۔۔۔

بی بی آپ پر ستم ہوئے
مر گئیں پدر کا غم لیئے
ہائے جیتے جی نہ چُھٹ سکا
قید خانہِ امیرِ شام
ہر درود اور ۔۔