Оралдық фототілші тарихи құндылықтарды жинап, музей ашуды көздейді

Описание: Арнаға тіркел / Подпишись на канал:    / @thesevennews  

Оралдық Рафхат Халеловтың есімі Жайық жұртшылығына фототілші ретінде жақсы таныс. Қырық жылдан астам уақыт осы кәсіпті өзіне серік еткен оның суреттері түрлі көрмеге де қойылып жүр. Бірнеше жылдан бері көне жәдігерлерді жинау оның екінші сүйікті ісіне айналған. «Қазірге дейін жиналған тарихи құндылықтарды болашақта музей ашып, көптің назарына ұсынсамын», - дейді Рафхат.
Рафхат Халелов бала күнінен сурет түсіруге жақын болыпты. Оның бойындағы құштарлықты көрген әкесі алты жасында «Смена» атты алғашқы фотоаппаратын алып берген. Кейіннен өзі осы өнерге түпкілікті ден қойған. Содан бері фотоаппарат – Рафхаттың сенімді серігі. Талай тарихи сәттерді кадрге іліктірген құралдары уақыты келіп, қолданыстан шықса да әлі күнге төрінде сақтаулы тұр.

РАФХАТ ХАЛЕЛОВ, ФОТОГРАФ:
Осы фотоаппараттармен Қадыр Мырзалиевті, Әбіш Кекілбаевты, көптеген ақын-жазушыны, Қырымбек Елеуұлын да түсірдім.
Өткен ғасырда кеңінен қолданыста болған радиоқабылдағыш – Рафхат Халеловтың жинаған жәдігердің бірі. Отбасылық құндылықтармен қатар сағат, түрлі елдің ақшасы, өзге де бұйымдар молынан бар. Бала кезінде тәттінің қағаздары мен марка жинаса, кейіннен ауылдан шыққандар оған түрлі өңірбелгі әкеліп беретін болыпты.

«Мен үшін барлығы да құнды және бағасы, баламасы жоқ. Әрқайсысына үңіліп көрсең, түрлі кезеңнен, тарихтан сыр шертеді. Оларды табу, жинақтау алдымен уақытты сосын қаражатты қажет етеді», - дейді Рафхат. Осы уақытқа дейін ел арасынан жинаған жәдігер күн санап артып келеді.

---------------------------------------------
Официальный сайт «Седьмого канала» https://tv7.kz/ru/
Instagram:   / tv7_kz  
TikTok:   / tv7_kz  
Facebook:   / tv7kz  
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал