TEGEKA - Heart of Worship

Описание: KINYARWANDA Lyrics

1. Nibajije niba ari wowe Yesu nakurikiye,
Cyangwa naribeshye,
Nari nzi ko mu bwami bwawe ari ibisubizo gusa,
Nibagirwa ko uri inzira iruhije,
Numva ijwi rimbwira ko imibabaro
Yanjye ituma ndwanya Satani nshikamye,
Ikanyigisha kumvira Data nkiranuka.

CHORUS: Abazamukanye nawe,
Mu gashyamba k'imibabaro,
Bazishimana nawe,
Ubwo azerekanwa mu bwiza bwe,
Abazamukanye nawe,
Mu gashyamba k'imibabaro,
Bazishimana nawe,
Ubwo azahishurwa…..

2. Tegeka Mwami,
Mbone ubushobozi,
Bwo kugendera hejuru y'iyi Nyanja... (*10)

SPOKEN WORDS

Tegeka mwami tegeka mwami. Alleluia...
Tegeka mwami, tegeka mwami,
Ndabizi neza yuko uri Imana y'urukundo, Alelluia,...
Ndabizi neza yuko Imigambi yawe ari myiza mu buzima bwanjye,
Ariko ndakwinginze ngo utegeka mwami,
Tegeka mwami, uru rugendo ruraruhije,
Birashoboka cyane yuko ndi hafi kugera ku musozi w'iyi njyanja,
Ariko kandi birashoboka cyane ko urugendo rugikomeje,
Ariko iyi Nyanja irakomeye, imiraba ni myinshi, imiyaga ni myinshi,
Iyi Nyanja hari benshi bayiguyemo,
Iyi Nyanja hari benshi bayipfiriyemo,
Hari benshi bayirohamiyemo,
Ariko ndakwinginga mwami kugira ngo utegeke,
Mfata UKUBOKO unkomeze
Nkuko wafashe petero akagendera hejuru y'inyanja,
Mfata unkomeze, ndabizi neza ko wemeye ko nsha muri iyi Nyanja,
Kugira ngo icyubahiro cyawe kigaragarire muri njyewe,
Ariko imbaraga zibaye nkeya mwami, Alleluia, Alleluia, Alleluia,
Ndabizi neza yuko, kugeragezwa kwanjye,
Kuzatuma mu gihe uzaba wantabaye,
Abakiri nyuma bakomezwa nuko natabawe nawe,
Urankunda, ariko ndakwinginze kugira ngo utegeke,
Unshoboze kugendera hejuru y'iyi nyanja,
Mwami unkuremo inkamba kugira ngo umpindure icyuma cyawe Kigukwiriye nk'umucuzi, Alleluia,
Kandi ndakwinginze kugira ngo unyuze mu murimo,
Umbatirishe umuriro, kugira ngo mbe umuntu ukwiriye mu maso hawe, Mbe ushyitse kugeza ku kigero cya Kristo.

CHORUS: Abazamukanye nawe,
Mu gashyamba k'imibabaro,
Bazishimana nawe,
Ubwo azerekanwa mu bwiza bwe,
Abazamukanye nawe,
Mu gashyamba k'imibabaro,
Bazishimana nawe,
Ubwo azahishurwa…..

SPOKE WORDS

Ndabizi neza ko nzaririmba indirimbo z'Amashimwe,
Ndabizi neza ko nzaririmba mvuga ngo mwami warakoze kunkomeza,
Muri iyi myaka maze mu kigeragezo,
Ndabizi neza yuko nzaririmbana nawe indirimbo z'Amashimwe,
Mvuga ngo warakoze mwami, warakoze mwami
Yuko utigeze undekura, warakoze mwami yuko utegeze undeka...

Tuzishimana n'umwami wacu Yesu kristo,
Kuko twafatanyije Imibabaro

BRIDGE: Ndemera ubuhamya nzahumurisha abera batarambuka,
Ungwirize gukomera, uhindukire umare umubabaro (*2)

Niboneye urukundo rw'Umukiza,
Urwo rukundo nirwo runezeza,
Afite izina ryiza uwo wankunze,
Ni Imana data n'umwana we Yesu,
Nashimishijwe n'urukundo rwawe,
Yewe Mana nawe Yesu Kristo,
Nashimishijwe n'urukundo rwawe,
Yewe Mana nawe Yesu Kristo...


IYI NDIRIMBO YANDITSWE NDETSE IRIRIMBWA HAGAMIJWE GUKOMEZA ABANTU BARI MU BIGERAGEZO, NDETSE KUGIRA NGO TWIBUTSE ABANTU KO IBIGERAGEZO BITUMA TURUSHAHO GUTUNGANYWA RWOSE KUGIRA NGO TUGERE KU KIGERO CYA KRISTO, NGO AHO AMAZI (Ijambo ry'Imana) ATABASHIJE GUTUNGANYA UMURIRO (Ibigeragezo) UHATUNGANYE INKAMBA N'INDI MYANDA (Ibyaha n'intege nke) BYOSE BISHIRE MU MUNTU W'IMANA.


Written by Plaisir Ntaganzwa
Audio Produced, Mixed and Mastered By Boris Igiraneza
Video Produced By Zaburi nshya Media House
Video Directed by Jabo
Audio Live Recorded by Aime Sound (Zaburi nshya Media)


"TEGEKA"
Heart of Worship Music & Plaisir
© 2024 Music by Heart of Worship Publishing House
RWANDA