Облыс әкімі президентке ұсыныстар айтты

Описание: Бүгін Ақтөбеге жұмыс сапарымен Қазақстан президенті Нұрсұлтан Назарбаев келді. Мемлекет басшысы қаладағы индустриалдық жобалармен танысып, бірқатар нысандарды аралады. "Ақтөбе индустриалдық аймағында президентке өнеркәсіп пен ауыл шаруашылығы салаларындағы жетістіктер баяндалды. Өңірдің өнеркәсіптік өнімі 1 триллион 300 миллион теңге. 335 миллиард теңгеге инвестиция тартылған. Ауыл шаруашылық өнімінің өсімі 104 пайыз. Бүгін облыс әкімі Бердібек Сапарбаев "Ақтөбе" индустриялдық аумағында президент Нұрсұлтан Назарбаевпен өткен кездесуде Ақтөбе облысында тапсырмалардың барлығы орындалып жатқанын жеткізді. Қазір үкімет елде төртінші мұнай өңдеу зауытын салу мәселесін қарастырып жатыр. Облыс әкімі Бердібек Сапарбаев президентке сол зауыт Ақтөбеде орналассын деген өтініш айтты. Оған мұнай қоры да, электр қуаты да жеткілікті. Инфрақұрылым бар. Жағрафиялық орнымыз да ыңғайлы. Екінші ұсыныс Бұқара-Орал газ құбырынан газ аламыз. Аймақ жылдам даму үстінде. Газ құбырындағы көгілдір отын бізге жеткіліксіз. 2 тармағы 115 пайызға жұмыс жасап тұр. Бізге үшінші тармағын салу қажет. Құрылысты бастау жөнінде энергетика министрлігінен қолдау бар, деді өңір басшысы. Инвестор да бар. Газ құбырын Жаңажолдан Ақтөбеге тарту қажет. Үшіншіден Орталық-Батыс тас жолының құрылысын жеделдетуді сұрады. Арқалықтан бері қарай жол салынса, Ырғыз, Шалқар, Байғанин аудандары жаңғырады. Сапарбаев айтқан соңғы өтініш - Ақтөбе мен Ресей шекарасына елдің экономикалық батыс қақпасын салу. "Қорғас" халықаралық орталығында Шығыс қақпа бар. Бірінші өтініш әзір қаралмайды. Елдегі 3 мұнай өңдеу зауыты қайта жарақтандырылудан өткен. 2035-ші жылға дейін жарамды. Көлік жолы Атырауға қарай салынып жатыр. Батыс қақпа Ақтауда бар. Бұқара-Орал газ құбыры жобасын қараймыз, деді елбасы.

Сайт телеканала http://www.rikatv.kz/
Twitter   / rika_kz  
Вконтакте https://vk.com/rikatv