Tv Klan - Nesër kosnsultimi i kuvendit të Kosovës

Описание: Presidentja Vjosa Osmani ka thirrur seancën konstituive të Kuvendit për të mërkurën, në orën 12:00. Presidenca ka njoftuar se vendimi për këtë datë është marrë pas konsultimeve me shumicën e partive parlamentare dhe duke marrë parasysh urgjencën e krijimit të institucioneve, miratimin e buxhetit dhe marrëveshjeve ndërkombëtare.
Caktimi i seancës u bë një ditë pasi Komisioni Qendror i Zgjedhjeve certifikoi rezultatet e zgjedhjeve të 28 dhjetorit.

Kryeministri në detyrë, Albin Kurti, tha se do të marrë pjesë në seancë. Glauk Konjufca shpreson që nesër të formohet edhe qeveria.

Sipas Rregullores së Kuvendit, përgatitjet për seancën konstituive të legjislaturës janë përgjegjësi e kryetarit të legjislaturës së mëparshme, në këtë rast Dimal Bashës, i cili i ka ftuar në takim krerët e partive politike parlamentare.

Punimet e seancës konstituive i drejton deputeti më i vjetër në moshë, i ndihmuar nga deputeti më i ri. Në seancën konstituive nuk ka debat.

Rendi i ditës përfshin: formimin e Komisionit të Përkohshëm për Verifikimin e Kuorumit dhe të Mandateve; betimin e deputetëve; zgjedhjen e Kryetarit të Kuvendit dhe zgjedhjen e nënkryetarëve të Kuvendit.

Përveç tyre, Kuvendi ka obligim ta zgjedhë presidentin deri më 4 mars, një muaj para përfundimit të mandatit të Vjosa Osmanit.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/