عالي التاريخ كلمات نخبة من الشعراء اداء خالد ال بريك شيله في حفل زواج متعب ذياب ابن ثايب الرخيمي

Описание: ياهل القصايد لا خلصتو من ملاعبة السباح
خلو لنا اللي مانقدمها بدون مقدمه

ماعندنا الا اللي مضاربها مثل ضرب السلاح
من محزم اللي ماتراخا فالمواقف محزمه

واللي يحركه الهوى واللي تزعزعه الرياح
ماهوب مثل طويق مايدري عن اللي يدحمه

ماكل مذّن لاصدح صوته بلال بن رباح
بعض الكلام اللي يمر السمع يبغى ترجمه

الصبر مفتاح الفرج والعزم مفتاح النجاح
في عالمٍ ياخذ ويعطي في حدود الانظمه
سعود الشطيطي
.
.
الطايله تبي تعب والمرجلة تبي كفاح
وقد قالوا اللي ما يغبر شاربه مادسمه

وحنا جذبنا البارق اللي بالوفا والطيب لاح
وسرنا على نوره رغم طول الليال المظلمه

ولا وردنا بالمثايل.. غير للعد القراح
اللي نصدّرها مع الاعلام من قو كرمه

ما يشغله عن ضيفه الّا قول: حي للفلاح
وحياكم الله ما تبين فعولها الا من فمه

ذيبٍ يتعّب من يجارونه مسا ولا صباح
متعب ذياب.. الطيّب اللي طيبه اللي قدّمه

نادر القعياني
.
.
خوينا اللي بالمراجل من بعيدين الشباح
اليا نخيته فاللوازم كل صعبٍ يحسمه

أبوه وجداده هل التاريخ مروين الرماح
العزوه اللي فاللقاء جمعٍ كبر ضلع يدمه

الاد عطاف الدواهي للعداء سمٍ ذحاح
يوم المناخات العظيمه كل جمعٍ تكعمه

علوى مقابيس الوغى علوى متيهت الشناح
روسٍ تقادح بالحمايا والوفاء فيهم سمه

اسمٍ شهر في عالي التاريخ هيبه واكتساح
عز الرفيق وخصمهم عند اللقاء ماترحمه

مذود الميزاني
.
.
من ربعي الي ماخذين المجد قوه وابتجاح
فعايلٍ تعرف و تشهد والجزيره ملحمه

حنا امطير اهل الثلاث الي على صح وصحاح
خيّالة البل في نهارٍ فيه وقفه و اعسمه

باموالنا نطلق سراح الي ما يطلق له سراح
وارواحنا تفنى لجل من ضيقته ضاق نسمه

حميةٍ فينا غريزه فالغدو و لا الرواح
تبقى لو ان الجسم يصبح عظم ساق وجمجمه

قد قالو اهل العرف من وقت المداخيل الشحاح
ما يحسب الرجال لا فرّط بدمه و لحمه
احمد العيباني