මම රඟපාන්න පටන් ගත්තේ මට වයස අවුරුදු පහක් තියෙද්දී ආමා

Описание: මම රඟපාන්න පටන් ගත්තේ මට වයස අවුරුදු පහක් තියෙද්දී ආමා
වේදිකාව වගේම පුංචි තිරයටත් හුඟක් සමීප අමා විජේසේකර දැන් රිදිතිරයේදීත් දකින්න ලැබෙනවා. මාධ්‍ය තුනෙන්ම ඉදහිට දකින අමා නිතරම නොදැක්කත් ජනප‍්‍රියයි....



කාලෙකින් ඇයගේ කලා ජීවිතේ තොරතුරු විමසන්න බැරි වුණ නිසා මෙවර රිවිසරසියෙන් ඇයට ඉඩක් වෙන් කරන්න කල්පනා කළා. අමා විජේසේකර කියන චරිතය නිර්මාණවලින් දකින්නේ කලාතුරකින්. අවුරුදු කීයකට පස්සෙද ආයෙමත් රංගනයට අවතීර්ණ වුණෙ.

අවුරුදු අටක් රඟපෑවේ නැහැ. අවුරුදු අටකට පස්සේ තමයි මාව ආයෙමත් දකින්න ලැබුණේ. හෝ ගාන පොකුණ චිත‍්‍රපටයට තමයි එ් විදිහට කාලෙකට පස්සේ මගේ රංගන දායකත්වය ලබා දුන්නේ. ඊට අමතරව අංගාරා ගඟ ගලා බසි වේදිකා නාට්‍යයටත් ඉඩමේදි විකිණේ වේදිකා නාට්‍යයටත් සම්බන්ධ වුණා. පත්තිනි චිත‍්‍රපටයටත් චෙස් හා තාරා කියන ටෙලිනාට්‍ය දෙකටත් මම දායක වුණා.

දැන් ආයෙමත් රඟපාන්නේ ලොකු විවේකයකින් පසුවද..? ඊට පස්සේ නම් රඟපෑවේ නැහැ. ආයෙමත් රඟපාන්න හොඳ අවස්ථාවක් ලැබුණොත් සම්බන්ධ වෙනවා. එතකල් විවේකීව ඉන්නවා. මම කොහොමත් නිර්මාණ කිහිපයකට එකවර දායක වෙන්නේ නැහැ.

ඒ කියන්නේ හොඳ චරිත ලැබෙන්නේ කලාතුරකින් කියන එකද..? දැන් බිහිවෙන නිර්මාණ එක්ක හොඳ චරිත බිහිවෙන්නෙත් කලාතුරකින් තමයි. අමා විජේසේකරවම සම්බන්ධ කරගෙන මේ නිර්මාණය හදන්න ඕන කියන නිර්මාණ බිහි වෙනවා අඩුයි. ඒ වගේම මාව වෙනුවට යොදා ගන්න දැන් ඕන තරම් නිළියෝ ඉන්නවා. අමා මේ චරිතය හොඳට කරයි කියලා හිතන අධ්‍යක්ෂවරු මට ආරාධනා කරනවා.

නොකියා කියන්නේ අමා විජේසේකරට රංගන ක්ෂේත‍්‍රයේ වෙළෙඳපොළ වටිනාකමක් නැහැ කියලද..? ඇත්තටම කිව්වොත් මට ගොඩක් ආරාධනා ලැබෙන්නේ නැහැ. සීමාසහිතව ආරාධනා ලැබෙන්නේ. ඒ ලැබෙන ආරාධනා ගැනත් මම සැලකිලිමත් වෙනවා. මොකද මම මට ලැබෙන නිර්මාණය ගැන තෘප්තිමත් වෙලා ඉන්න ඕන තව කෙනෙක්ව තෘප්තිමත් කරන්න මගේ රංගනය හරහා. එ් නිසා මට ආරාධනා ලැබුණ ගමන් මම පිටපත කියවලා බලනවා. එ්වගේම මට ලැබෙන චරිතයට මට සාධාරණයක් කරන්න පුළුවන් නම් විතරක් මම එ් නිර්මාණය භාර ගන්නවා. මගේ රංගනයට වෙළෙඳපොළ වටිනාකමක් දෙන අධ්‍යක්ෂවරු නැහැ කියන්නත් බැහැ.

ඉදහිටලා රංගනයෙන් දායක වුණත් අමාව බොහෝ අයට මතකයි නේද. පේ‍්‍රක්ෂකයින්ගෙන් ලැබෙන ප‍්‍රතිචාර කෙහොමද..? ලැබෙන ප‍්‍රතිචාර ගැන ඇත්තටම සතුටු වෙන්න පුළුවන්. මම රඟපාන්න පටන් ගත්තේ මට වයස අවුරුදු පහක් තියෙද්දී. එ් කාලේ ඉ`දලා අද වෙනතුරුම හැමදාම නැතත් ඉ`දහිටලා හරි මම රඟපානවා. මම කියන්නේ නැහැ මම ගොඩාක් ජනප‍්‍රියයි කියලා. නමුත් මාව හඳුනාගෙන කතාබහ කරන ප‍්‍රතිචාර දක්වන පිරිසක් ඉන්නවා. සමහර විට මට තියෙන්නේ මතක හිටින රූපයක් නිසා වෙන්නත් ඇති. එහෙම නැත්තම් මගේ අම්මයි, තාත්තයි සෑහෙන කාලෙක ඉ`දලා කලා ක්ෂේත‍්‍රයේ ඉන්න එකත් මාව දැනගන්න හේතුවක් වෙන්න ඇති.

ඔබ රංගනයට අවතීර්ණ වෙන්නේ දෙමාපියන්ගේ ජනප‍්‍රියත්වයත් එක්ක. එ් කාලේ වගේම විවාහයෙන් පසුවත් ඔබේ නිර්මාණ කටයුතු තෝරා බේරා දෙන්න දෙමාපියන් උත්සහ ගන්නවාද.. නැත්නම් ස්වයං නීතියකට යටත්ව ඔබ කටයුතු කරනවාද මට යමක් තේරුම් ගන්න පුළුවන් වෙනකල් මගේ චරිත තෝරා දුන්නේ අම්මා. පුරුද්දක් විදිහට මට ලැබෙන හැම පිටපතක්ම ඇය කියවලා රස වි`දිනවා. හොඳ නම් භාර ගන්න කියනවා. නැත්නම් එපා කියලා කියනවා. පසුකාලයේදී නම් අම්මයි, තාත්තයි දෙන්නම මගේ දේවල්වලට මැදිහත්වීමක් කළේ නැහැ. මොකද එ් අය දන්නවා මම හැම දෙයක්ම තෝරා බේරාගෙන මට ගැළපෙනවා නම් විතරයි කරන්නේ කියලා.

පුංචි කාලේ වුණත් අම්මායි, තාත්තයි ෂුටිං යනකොට මාවයි, මල්ලිවයි එ්වා බලන්නවත් එක්කගෙන යන්නේ නැහැ.

ඔබේ පියා ජනප‍්‍රිය දක්ෂ ගායකයෙක්. අමාට හිතිලාම නැද්ද සිංදු කිව්වොත් හොඳයි කියලා..? මම සාමාන්‍ය පෙළ දක්වා විෂයක් හැටියට සංගීතය කළා. ඊට පස්සේ නම් සංගීතය අධ්‍යනය කරන්න ගියේ නැහැ. මට තාත්තාට වගේ ලස්සනට සිංදු කියන්න බැරි නිසා.

පොඩි උත්සව අවස්ථාවලදී ඉ`දහිටලා සිංදුවක් දෙකක් කියන්න පුළුවන්කමක් මට තියෙන්නේ. මමත්, තාත්තාව රංගන ශිල්පියෙක් විදිහට හඳුන්වනවාට වඩා ගායකයෙක් සංගීතඥයෙක් විදිහට හඳුන්වන්න කැමැතියි.

ජනප‍්‍රිය කලාකරුවන් ජනප‍්‍රියත්වය උදෙසා කටයුතු කරන නිසා පවුල සම්බන්ධයෙන් ගැටුම් ඇති කරගන්නවා කියලා මතයක් තියෙනවා. අමා විජේසේකර කියන්නේ නිර්මාණ කටයුතුවලට වඩා පවුලට මුල් තැන දෙන කෙනෙක්ද..? ඔව්. මම මගේ විවාහ ජීවිතේ සාර්ථකව ගෙවන්න කැමැති කෙනෙක්. බිරිඳක් වුණාට පස්සේ වැඩිපුරම කාන්තා පාර්ශ්වය පවුලට මුල් තැන දෙන්න ඕන. එහෙම වුණොත් සතුටින් ජීවත් වෙන්න පුළුවන්. ඒ නිසා මම හැමදාම හිතුවේ පවුලට මුල්තැන දෙන්නයි.

මම නිර්මාණ එක්ක කාර්යබහුල නොවී ඉන්නෙත් ඒ නිසයි.

ගෘහණියක් විදිහට ගෘහයේ හැම වැඩකටයුත්තක්ම අමාට කරන්න පුළුවන්කමක් තියෙනවද..? මගේ අම්මගේ පවුල ගොඩක් ලොකුයි. එ් නිසා පුංචි කාලේ ඉ`දලම ගෙදර ගොඩක් පිරිස හිටියා. උයන පිහින දේවල් හෝ ගෙදර වැඩ කියන එක මම ඒ කාලේ කළේ නැතත් මම එ් දේවල් දැක්කා. එ් හුරුව වෙන්න ඇති මම විවාහ වුණාට පස්සෙත් ආවේ.

ගෙදරවැඩ පිළිවෙළට කරන්න ඕන කියලා එහෙම. මට උයන්න පුළුවන්. මම උයන්නත් ආසයි. පුළුවන් විදිහට විවිධ කෑම එහෙම හදලා බලනවා. සමහර වේලාවට උයන්න කම්මැලි හිතෙන අවස්ථාත් තියෙනවා. නමුත් මම හදන කෑම රසද කියලා නම් දන්නේ නැහැ.

අමාගේ කෑම ඉවිල්ල රස නැහැ කියලා සැමියාගෙන් චෝදනා එන්නේ නැද්ද..? එයා එහෙම කෑම බීම වලට ලොකුවට පන්නන කෙනෙක් නෙමෙයි. හදලා දෙන දේ කනවා. කොහොමත් අපි දෙන්නම සරලව නිදහසේ ජීවත් වෙන දෙන්නෙක්. එ්වගේම චිත‍්‍රපට පිස්සෝ. නිතරම වගේ චිත‍්‍රපට නරඹනවා.

ඔබේ සැමියා මාධ්‍යයට සම්බන්ධ කෙනෙක්. විමල් කැටපේආරච්චී. ඔහු ඔබේ රංගනයට තහනම් තහංචි දාන්නේ නැද්ද..? නැහැ. මම මගේ සීමාවේ ඉ`දලා රඟපාන බව ඔහුත් දන්නවා. එ් නිසා දැනට නම් එයා මට රඟපාන්න එපා කියලා නැහැ. එ් වුණාට මම නිර්මාණයක් ලැබුණොත් එයා එක්ක කතා කරනවා.

ලියන කෙනෙක් විදිහට ඔහුට නිදහස් පසුබිමක් අවශ්‍යයි. ඔබෙන් ඔහුට ලැබෙන සහයෝගය කෙහොමද..? මාධ්‍ය සම්බන්ධයෙන් කටයුතු කරනවා වගේම විවිධ දේවල් එයා ලියනවා. ලේඛන කටයුතුවලට නිදහස තියෙන්න ඕන. එයාට අවශ්‍ය එ් නිදහස මම දීලා තියෙනවා. ගෙදරදීත් එයා වැඩක් නම් මම කරදර කරන්නේ නැහැ.