بالدمع شيعوهه ¦¦ ملا عباس الكعبي

Описание: ◾️قصيدة:  بالدمع شيعوهه
◾️الوزن: موشح

#العقيلة_زينب_عليها_السلام

………….

يالهواشم بالدمع شَيعُوهه
وزينب ابطف كربله دفنُوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
زينب اشگد حملت اهموم وصبر
اصواب چم بسمار بيهه امن الزغر
ابهضم وابآه وكِدَر مرّ العمر
▪️وين اهلهه اليوم وايحضروهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وين هاشم زينب ابديرة غرب
لَسّه مهضومه وتصد اعله الدرب
ناحله ابآهاتهه وذاب الگلب
▪️وين اهلهه وبالعَجَل يلفوهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيهه نار اخيام بيهه اشچم جرح
بيهه لوعة راس اخوهه اعله الرمِح
وألم عطشان وغريب ومنذبح
▪️ابيوم  كل اخوانهه وَدعَوهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وين ابوفاضل اخو زينب الحيد
ابجوده والرايه ابعجل يگطع البيد
بلچن امن اتشوفه ونتهه تهيد
▪️اخوتهه من طف كربله ايگصدوهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كربله زينب وشالت كربله
وشالت اهموم الظعن والعايله
عدهه طلبه اخت الغريب الثاكله
▪️يم اهلهه ابكربله ايواروهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طلبه عدهه تندفن يم النحر
لو يدفنوهه الطهر يم النهر
لو أظن يم گَطعَت اچفوف الگمر
▪️ابچفه من جود الوفه ايرووهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وطلبه عد زينب تزيد امن الالم
بالگبر رادت من ارماد الخيم
چم سهم من الوداع اشچم سهم
▪️اليوم اهلهه خلهم ايودعوهه



ـــــــــــــــــــــــــــــــــــــــــــــــــــــــ
✍🏻بقلم #احمد_الكعبي_الكربلائي
📍 كربلاء المقدسة

🌐https://t.me/ahmedAlkarbalai0