THE R.A.T | Episode 25 - (2025-02-22) | ITN

Описание: #ITN #ITNSriLanka #ITNDigital #Teledrama #rat
මෙතෙක් කතාව සැකෙවින්
මෙම කතාව මූලිකව අසෙනි සහ එරන්දි නම් යුවතියන් දෙදෙනෙක් හා ඔවුන් මුහුණදෙන අබිරහස් සිදුවීම් මාලාවක් හරහා ගලා යන්නක්. ඔවුන් දෙදෙනා ජීවත්වන කාල අන්තරයන් හා භූ සාමාජයීය දුරස්ථභාවයන් තිබියදී පවා ඔවුන් මුහුණ දෙන්නෙ එකම ආකාරයේ සිදුවීම් මාලාවක. කාල රාමු තුනක් හරහා ගලායන මේ කතාව ඉදිරිපත් කෙරෙන්නේ ඒ කාල රාමුවල සමාන්තර ඡේදනයන් ලෙස.
අසෙනි වයස අවුරුදු විසි දෙකක ග්‍රාමීය තරුණියක්. ඇගේ පියා මිය ගිහින්. ඇය ජීවත් වන්නේ කීර විකුණා දිවිය සරිකරගන්නා ඇගේ මව සමගින්. එක් දිනක සිය දෛනික කටයුතු නිමාකොට නිවසට පැමිණෙන අසෙනිගේ මව දකින්න්නේ මරණයට පත්වෙමින් සිටින සිය දියණිය යි. අවසානයේ අසෙනිගේ මරණය තීන්දු වෙන්නේ සියදිවි නසාගැනීමක් ලෙසින්. නමුත් ඒ ගැන ඇගේ මවට සහ මාමා වන පද්මසිරිට ඇත්තේ සැකයක්.
එරන්දි. වයස විසි හතරයි. ඇය නගරාශ්‍රිත මධ්‍යම පාංතික පවුලක එකම දියණිය. ඇගේ මව හා පියා සමඟ ඔවුනට කීකරුව දිවිගෙවන වැඩි සමාජ ආශ්‍රයක් නැති තරුණියක්. සියල්ල උඩුයටිකුරු වන්නේ දිනක් උදෑසන ඇගේ තේ කෝප්පය රැගෙන එරන්දිගේ කාමරයට යන මව දකින දර්ශනයෙන්.
මව දකින්නේ අඩ නිරුවතින් කාමරයේ මුල්ලකට වී අසිහියෙන් ගැහෙමින් සිටින සිය දියණිය. ඇය යමෙකුගේ අතවරයට ලක්වූ බව පැවසුවත් එවැන්නෙකු පැමිණි බවට කිසිම සාක්ෂියක් එරන්දිගේ මවට සහ පියාට ලැබෙන්නේ නැහැ. ඒ නිසා ඇගේ මව තීරණය කරනවා එරන්දිට කළු කුමාර දිෂ්ඨිය වැටී ඇති බව. යන්ත්‍රමන්ත්‍ර ගුරුකම්වලිනුත් පිහිටක් නොලැබුණ විට එරන්දිගේ පියා ඇයව මනෝවෛද්‍යවරයෙකු යොමු කරනවා. ඒ සඳහා සම්පූර්ණ උදව් හා මඟපෙන්වීම කරන්නේ එරන්දිගේ කාර්යාල ප්‍රධානී තාරක. එරන්දි වෛද්‍යවරයා වෙත රැගෙන යෑමට ප්‍රවාහන පහසුකම් සපයන්නේත් තාරක. ඒ සඳහා ඔහු තම කාර්යාල වාහනයක් සමඟ රියැදුරු පද්මසිරි පිටත්කර හරිනවා. එරන්දි වාහනයට නංවාගනිද්දී ඇගේ උරහිසෙහි ඇති තුවාල දකින පද්මසිරි කලබලයට පත්වෙනවා. ඒ වසර අටකට පෙර මියගිය සිය ඥාති දියණිය අසෙනිගේ සිරුරේද මෙබඳුම කැළැල් තිබූ බව සිහි වීමෙන්.
මේ වනවිට මේ සිද්ධි ගැන පොලිස් විමර්ශන ආරම්භ වී තිබෙනවා.

ITN ON SOCIAL
Follow on Facebook :   / itnsrilanka  
Subscribe on YouTube : http://bit.ly/SubscribeITNSriLanka
Follow on Instagram :   / itn.srilanka  
Follow on X : https://www.x.com/ITNSriLanka

© 2025 by Independent Television Network Ltd.
All rights reserved. No part of this video may be reproduced or transmitted in any form or by any means, electronic, mechanical, recording, or otherwise, without prior written permission of Independent Television Network Ltd.